КӘСІПКЕРЛІКТЕГІ АДАЛ БӘСЕКЕ – ЗАҢ ТАЛАПТАРЫН САҚТАУДАН БАСТАЛАДЫ
Кәсіпкерлік саласында баршаға бірдей мүмкіндік жасау, бәсекелестік талаптарын сақтау және сыбайлас жемқорлыққа жол бермеу – әділ бизнес ортаны қалыптастырудың негізгі шарттары. Осы мәселелер Батыс Қазақстан облысы Кәсіпкерлер палатасында өткен кездесуде талқыланды.
Іс-шара қоғамда «Заң мен тәртіп» идеологиясын ілгерілету жөніндегі 2025-2030 жылдарға арналған тұжырымдаманы іске асыру аясында ұйымдастырылды. Кездесуге Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаменті басшысының орынбасары Д. Хаиров, Бәсекелестікті қорғау және дамыту агенттігінің облыстық департаментінің басшылығы, облыстық Әділет департаментінің өкілдері, «Атамекен» кәсіпкерлер палатасының өкілдері және кәсіпкерлер қатысты.
Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаменті басшысының орынбасары Д. Хаиров кәсіпкерлік саласындағы ашықтық пен адалдық қағидаттарына тоқталып, заң талаптарын сақтау мен мүдделер қақтығысына жол бермеудің маңызын атап өтті. Оның айтуынша, кәсіпкерлердің құқықтарын қорғау және барлығына тең жағдай жасау әділ бизнес ортаны қалыптастыруға ықпал етеді.
Кездесуде бәсекелестік заңнамасының талаптары, картельдік келісімдер мен үстем жағдайды теріс пайдаланғаны үшін жауапкершілік мәселелері де қаралды. Сондай-ақ, мемлекеттік қолдауды бөлу кезіндегі әділдік және тауар белгілерін құқықтық қорғау тақырыптары талқыланды.
Кәсіпкерлер өздерін толғандырған сұрақтарын қойып, саладағы құқықтық мәселелер бойынша пікір алмасты. Кездесу барысында көтерілген тақырыптар кәсіпкерлік қызметте заң талаптарын сақтау, адал бәсекелестікті дамыту және сыбайлас жемқорлық тәуекелдерінің алдын алу мәселелерінің өзектілігін көрсетті.
Версия для печатиСоңғы жаңалықтар
КӘСІПКЕРЛІКТЕГІ АДАЛ БӘСЕКЕ – ЗАҢ ТАЛАПТАРЫН САҚТАУДАН БАСТАЛАДЫ
ЕГІНДІКӨЛДІКТЕР ЖОЛ МЕН ӘЛЕУМЕТТІК НЫСАНДАР МӘСЕЛЕСІН ҚОЗҒАДЫ
Конституция және жергілікті басқару: халық мүддесіне бағытталған шешімдер
Қоғамдық сенім мен ашықтық – тиімді мемлекеттік басқарудың негізі
Әлеуметтік әділеттілік – конституциялық қағидаттардың өмірдегі көрінісі
Қарашығанақ кен орнында өндірістік қуаттарды кеңейту жөніндегі ауқымды жоба аяқталды
«ӘДІЛЕТ» ПАРТИЯСЫНЫҢ ШТАБ ӨКІЛДЕРІ «ҚАЗАҚТЕЛЕКОМ» ҰЖЫМЫМЕН КЕЗДЕСТІ
Қазақстанда АЭС құрылысы аясында Үлкен ауылын кешенді дамыту жоспарлануда.
«ТАЗА ҚАЗАҚСТАН»: ЭКОЛОГИЯЛЫҚ САНАНЫ ҚАЛЫПТАСТЫРУҒА БАҒЫТТАЛҒАН ЭКОКУИЗ ӨТТІ
Жастар және жаңа Конституция: болашаққа бағытталған мүмкіндіктер
«ӘДІЛЕТ» партиясы штабының өкілдері машина жасау кәсіпорнының еңбек ұжымымен кездесті

Кіру


