Кіру«Әділет Керуені» партиялық акциясы
Шығыс Қазақстан облысының тұрғындары тұрғылықты жері бойынша медициналық, құқықтық және консультациялық тегін кеңес алды. «Әділет Керуені» партиялық акциясы аясында Күршім, Шемонаиха, Марқакөл, Зайсан және Тарбағатай аудандарында көшпелі қабылдаулар өтті. Алдағы уақытта осы жоба тәжірибесін еліміздің өзге өңірлерінде жалғастыру жоспарланып отыр.
Көшпелі қабылдаулар барысында балаларға ерекше көңіл бөлінді. 40 балаға логопед-дефектолог, психолог, бейімделген дене шынықтыру маманы және педиатр кеңес берді. Тексеру қорытындысы бойынша қазан айында бес балаға тегін оңалту шаралары ұйымдастырылады.
Жалпы, 462 адамға медициналық көмек көрсетіліп, соның ішінде 389 адамды дәрігер-онкологтар қабылдады. Бұл ретте, он адам онкологқа алғаш рет жүгініп отыр. Енді олар қосымша тексеруден өту үшін облыс орталығына жіберіледі.
Сонымен қатар 33 адам АИТВ инфекциясының алдын алу бойынша консультациядан өтті.
«Бейінді мамандардың ауданға келуі тұрғындардың кеңес алуын және дәрігерге жүгіну ісін кейінге қалдырмауын айтарлықтай жеңілдетеді. Бірнеше маманға сұрақ қою және бірден қажетті ұсыным алу мүмкіндігі болғаны – аса маңызды», – деді Күршім ауданының тұрғыны Владимир Петров.
«Әділет Керуені» негізгі бағыттарының бірі – аурулардың алдын алу және оларды ерте анықтау. Көшпелі қабылдаулар барысында мамандар тұрғындарға денсаулықтың қандай өзгерістеріне мән беру және қай кезде дәрігерге жүгіну қажет екенін де түсіндіруде.
«Бастапқы кезеңде көп аурудың айқын белгілер болмауы мүмкін. Сондықтан профилактикалық тексеруден өту және маманға дер кезінде жүгіну – аса маңызды. Көшпелі қабылдаулар барысында тұрғындарға тек кеңес беріп қана қоймай, денсаулықтың қандай өзгерістеріне назар аудару қажет екенін түсіндіруге тырысамыз», – деді дәрігер-онколог Ербол Құсайынов.
Медициналық консультациялардан бөлек, тұрғындарға заңгерлер мен сот орындаушылары құқықтық көмек көрсетті. Сондай-ақ азаматтар тұрғын үй мәселесі бойынша «Отбасы банкі» мамандарынан кеңес алып, депутаттардың қоғамдық қабылдау бөлмесіне де жүгінді.
Алдағы уақытта «Әділет Керуенін» еліміздің өзге да өңірлерінде өткізу жоспарланып отыр. Мұндай формат шалғай елді мекендердің тұрғындарына облыс орталығына бармай-ақ қажетті көмек алуға мүмкіндік береді.Шығыс Қазақстан облысының тұрғындары тұрғылықты жері бойынша медициналық, құқықтық және консультациялық тегін кеңес алды. «Әділет Керуені» партиялық акциясы аясында Күршім, Шемонаиха, Марқакөл, Зайсан және Тарбағатай аудандарында көшпелі қабылдаулар өтті. Алдағы уақытта осы жоба тәжірибесін еліміздің өзге өңірлерінде жалғастыру жоспарланып отыр.
Көшпелі қабылдаулар барысында балаларға ерекше көңіл бөлінді. 40 балаға логопед-дефектолог, психолог, бейімделген дене шынықтыру маманы және педиатр кеңес берді. Тексеру қорытындысы бойынша қазан айында бес балаға тегін оңалту шаралары ұйымдастырылады.
Жалпы, 462 адамға медициналық көмек көрсетіліп, соның ішінде 389 адамды дәрігер-онкологтар қабылдады. Бұл ретте, он адам онкологқа алғаш рет жүгініп отыр. Енді олар қосымша тексеруден өту үшін облыс орталығына жіберіледі.
Сонымен қатар 33 адам АИТВ инфекциясының алдын алу бойынша консультациядан өтті.
«Бейінді мамандардың ауданға келуі тұрғындардың кеңес алуын және дәрігерге жүгіну ісін кейінге қалдырмауын айтарлықтай жеңілдетеді. Бірнеше маманға сұрақ қою және бірден қажетті ұсыным алу мүмкіндігі болғаны – аса маңызды», – деді Күршім ауданының тұрғыны Владимир Петров.
«Әділет Керуені» негізгі бағыттарының бірі – аурулардың алдын алу және оларды ерте анықтау. Көшпелі қабылдаулар барысында мамандар тұрғындарға денсаулықтың қандай өзгерістеріне мән беру және қай кезде дәрігерге жүгіну қажет екенін де түсіндіруде.
«Бастапқы кезеңде көп аурудың айқын белгілер болмауы мүмкін. Сондықтан профилактикалық тексеруден өту және маманға дер кезінде жүгіну – аса маңызды. Көшпелі қабылдаулар барысында тұрғындарға тек кеңес беріп қана қоймай, денсаулықтың қандай өзгерістеріне назар аудару қажет екенін түсіндіруге тырысамыз», – деді дәрігер-онколог Ербол Құсайынов.
Медициналық консультациялардан бөлек, тұрғындарға заңгерлер мен сот орындаушылары құқықтық көмек көрсетті. Сондай-ақ азаматтар тұрғын үй мәселесі бойынша «Отбасы банкі» мамандарынан кеңес алып, депутаттардың қоғамдық қабылдау бөлмесіне де жүгінді.
Алдағы уақытта «Әділет Керуенін» еліміздің өзге да өңірлерінде өткізу жоспарланып отыр. Мұндай формат шалғай елді мекендердің тұрғындарына облыс орталығына бармай-ақ қажетті көмек алуға мүмкіндік береді.
Версия для печатиСоңғы жаңалықтар
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
Бөкей ордасының 225 жылдығына орай салтанатты жиын мен мерекелік концерт өтті
