КіруҚазақ әдебиетінің жарқын келешегі
Бұған дейін баршаға мәлім болғандай, Алматы қаласындағы Қазақстан Республикасы Ұлттық кітапханасында дәстүрлі Әдеби жыл қорытындысына арналған алқалы жиын өткен болатын. Басқосу қазақ әдебиетінің бір жылдағы жетістіктерін саралап, қаламгерлердің шығармашылық ізденістерін бағалауға арналды.
Жиынды Қазақстан Жазушылар одағы Басқармасының төрағасы Мереке Құлкенов ашып, еліміздің әр өңірінен келген қаламгерлер қауымына алғыс білдірді. Ол өз сөзінде қазақ әдебиеті – ұлт руханиятының айнасы, халық жанының үні екенін атап өтті. Сонымен қатар өткен жыл әдебиет үшін табысты кезең болғанын, жаңа туындылар мен жарқын есімдердің әдеби кеңістікті толықтырғанын айтып, қаламгерлерге шығармашылық табыс пен шабыт тіледі.
Жиын барысында Қазақстан Жазушылар одағының 2025 жылы жүзеге асырған жұмыстары туралы бейнематериал ұсынылып, онда әдеби бастамалар, мәдени жобалар мен шығармашылық кездесулердің нәтижелері көрсетілді.
Әдеби басқосуда көптеген қаламгерге марапаттар табысталды. Соның ішінде Халықаралық «Алаш» әдеби сыйлығы Қазақстанның еңбек сіңірген қайраткері, ақын, Ғ.Құрманғалиев атындағы Батыс Қазақстан облыстық академиялық филармониясының директоры Бауыржан Халиоллаға берілді. Ал биыл алғаш рет тағайындалған «Ер Төстік» әдеби сыйлығы «Орал өңірі» газетінің бас редакторы, «Құрмет» орденінің иегері, жазушы-журналист Бауыржан Ғұбайдуллинге табысталды. Сондай-ақ жиында бірқатар қаламгер Қазақстан Жазушылар одағының мүшелігіне қабылданды. Олардың қатарында Батыс Қазақстан облысынан күйші, Бәйтерек аудандық мәдениет, тілдерді дамыту, дене шынықтыру және спорт бөлімінің басшысы Дәулеткерей Құсайынов та бар.
Басқосу барысында әдебиеттің әр жанры бойынша баяндамалар жасалып, қазіргі әдеби үдерістің өзекті мәселелері жан-жақты талқыланды. Қаламгерлер пікір алмасып, әдебиеттің даму бағыттары туралы ой бөлісті.
Осы жиын туралы жақында Қазақстан Жазушылар одағы БҚО филиалының төрайымы Дариға Мұштановадан сұрап білген едік.
– Бұл басқосу ақын-жазушылардың қоғамдағы рөлі мен әдебиеттің маңызын айқындай түскен мазмұнды кездесу болды. Еліміздің әр өңірінен келген қаламгерлермен танысып, өзара пікір алмастық. Осындай кездесулер әдеби байланысты нығайтып, өңірлердегі қаламгерлердің шығармашылық әлеуетін танытуға жол ашады. Ал бұл жолғы басқосу батысқазақстандық ақын-жазушылардың да әдебиеттегі деңгейі, орны жоғары екенін тағы бір мәрте дәлелдеді,- деді Дариға Ғазезқызы.
Әдеби жыл қорытындысы шығармашылық қауым үшін маңызды кездесулердің бірі болды. Бұл басқосу қаламгерлердің шығармашылық ізденістерін саралап, әдеби үдерістің даму бағытын айқындауға мүмкіндік берді.
Осы орайда өңіріміздің мерейін үстем еткен жерлестерімізді шын жүректен құттықтаймыз!
Әдемі Бақытжанқызы,
«Жайық үні»
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
