КіруЖҮРГІЗУШІ ҮШ БАП БОЙЫНША ЖАУАПҚА ТАРТЫЛДЫ
БҚО аумағында «Автобус» жедел-алдын алу шарасы өткізілуде. БҚО ПД баспасөз қызметінің хабарлауынша, мақсат – жолаушылар мен жүк тасымалымен айналысатын жүргізушілердің жүру тәртібін арттыру және желіні бақылауды жетілдіру.
Бүгін, яғни жедел алдын алу шарасының бірінші күні полицейлер «Рубеж-Орал» стационарлық бекетінде «Воронеж-Шымкент» бағытында қозғалып бара жатқан «Газель» автокөлігінің жүргізушісін ұстады. Тоқтату кезінде оның ҚР әкімшілік заңнамасын бұзғаны анықталған. Көлік жүргізушісі Әкімшілік құқықбұзушылық туралы Кодекстің үш бабы, атап айтқанда 572-баптың 2-тармағы (Жолаушыларды, багажды немесе жүктерді автомобильмен тасымалдауды жүзеге асыру кезінде жүргізушілердің еңбек және демалыс режимінің бұзылуы), 593-баптың 3-тармағы (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау),590-баптың 10-тармағы (Көлiк құралдарын пайдалану қағидаларын бұзу) бойынша жауапқа тартылды. Анықталғандай, жүргізуші Өзбекстан Республикасы азаматтарын алып келе жатқан. Көші-қон заңнамасының бұзылуы болмаған.
Жыл басынан бері облыс аумағында алты жол-көлік оқиғасы тіркелген.
Ал өткен жылы қоғамдық көліктердің қатысуымен 11 ЖКО орын алып, 7 адам қайтыс болған, 15 адам түрлі жарақат алған. 11 жағдайдың алтауы қоғамдық көлік жүргізушілерінің кінәсінен болған.
Жедел алдын алу шарасы 19 қаңтарға дейін жалғасады.
Елмұра АСХАТҚЫЗЫ
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу