1,2 млрд теңгенің спорт кешені. Жаңаөмірдегі нысан кімнің қолдауымен салынды?
Бүгін Батыс Қазақстан облысы Теректі ауданы Жаңаөмір ауылында ел қуанышына айналған оқиға болды – ауылда заманауи дене шынықтыру-сауықтыру кешені есігін айқара ашты!
Бұл – тек бір ғимарат емес, спорт сүйер ауыл жастары үшін үлкен мүмкіндік. Кешен 2024 жылғы су тасқынынан зардап шеккен өңірлердің инфрақұрылымын қалпына келтіру мақсатында салынған болатын. Құны — 1,2 млрд теңге.
Жобаны «Самұрық-Қазына» қорының бірыңғай қайырымдылық операторы – «Samruk-Kazyna Trust» бизнес-серіктестерімен бірге жүзеге асырды. Қаржылай қолдау көрсеткендер қатарында «Азиялық Газқұбыры», «Uranium One», «CGN», «Cameco», «Orano», «КАТКО», «Marubeni», «KMG RomPetrol» компаниялары бар.
Спорт кешенінің аумағы – 1 600 шаршы метр. Мұнда волейбол, баскетбол, бадминтон, үстел теннисі және қазақ күресімен айналысуға арналған залдар бар. Жақын арада ауыл балалары үшін тегін спорт секциялары ашылады.
Ең қуаныштысы – бұл соңғы нысан емес! 2026 жылы тағы бір спорт кешені Атырау облысының Құлсары қаласында ашылады. Қайырымдылық пен серіктестіктің нақты нәтижесі – міне, осындай.
Авторы: “Samruk-Kazyna Trust” корпоративтік қоры
Версия для печатиСоңғы жаңалықтар
Жаңа Конституция адамға бағытталған мемлекеттік басқарудың жаңа философиясын қалыптастырады – Абзал Құспан
SARAP отырысында жаңа Конституция жобасындағы әлеуметтік кепілдіктер мәселесі талқыланды
Мемлекеттік кеңесші жаңа Конституция жобасына арналған сарапшылар талқылауына қатысты
БҚО-да көші-қон қызметі 76 жастағы қарияға тұрғылықты мекенжайында мемлекеттік қызмет көрсетті
«ДАУЫС» қоғамдық байқаушылар коалициясы референдумға тәуелсіз байқаушылар ретінде қатысады
«Әділетті және Прогрессивті Қазақстанның Халықтық Конституциясы үшін!» Коалициясы құрылды
Конституцияның жаңа жобасындағы отбасы және неке нормалары талқыланды
Жеті әскер спортшысы Италияда өтетін қысқы Олимпиадада ел намысын қорғайды

Кіру