Бірнеше көлікті тонаған
Батыс Қазақстан облысында автокөліктерден ұрлық жасаған 34 жастағы Орал қаласының тұрғыны ұсталды. Күдіктіні облыстық полиция департаментінің криминалдық полиция қызметкерлері анықтап, қолға түсірген.
Тергеу барысында ер адамның түнгі уақытта тұрғын үй аулаларындағы автотұрақтарда тұрған көліктердің терезесін сындырып, ішіндегі бейнетіркегіштер мен бағалы жеке заттарды ұрлағаны белгілі болды.
Полиция дерегінше, күдікті 2025 жылдың шілде және тамыз айлары аралығында Орал қаласында 11 рет ұрлыққа барған. Жәбірленушілерге келтірілген жалпы материалдық шығын 5 миллион теңгеден асып кеткен.
Қазіргі таңда тергеу амалдары толық аяқталып, жинақталған қылмыстық іс материалдары сотқа жолданды. Күдіктінің кінәсі дәлелденсе, ол заң аясында жауапқа тартылатын болады.
Айнара ИСА
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды

Кіру