КіруЖОМАРТ ЖАНДАРҒА РИЗАМЫЗ
Жаңа жыл – әлемдегі қуанышқа толы, айтулы да ғажайып мерекелердің бірі. Ол бала күннен біздердің танымымызда сиқырлы, әрі қайталанбас ғажайып мерекеге айналған. Сол сияқты Орал қаласы Ж.Молдағалиев атындағы №2 ЖОББМ әлеуметтік жағдайы төмен, ата-ананың мейірімі мен қамқорлығына зәру және мүмкіндігі шектеулі балаларға жаңажылдық ертеңгілік ұйымдастырылды.
Бұл ертеңгілікке 36 оқушы қатысып, өз өнерлерін ортаға салды. Балалардың өнерін тамашалап, қуанышымен бөліскен №14 округ бойынша қалалық мәслихаттың депутаты Т.Тлемісов шараның соңында балаларға әкелген жаңа жылдық сыйлықтарын таратты. Сонымен қатар мектебіміздің ата-аналары атынан М.Бектемірова, «Эльдурусин», «Адиль», «Акберлиева» жеке кәсіпкерлітері және мектебіміздің кәсіподақ ұйым мүшелері ата-анасының қамқорынсыз қалған балаларға арнайы сыйлықтар берді. Балаларға осындай қуаныш сыйлаған демеушілерге қамқоршы Ш.Сәндібекова ата-аналар атынан алғысын білдірді.
Мектебіміздің Аяз атасы мен Ақшақары үйден оқитын оқушымыз Мерей Жәрдемовтің үйіне барып, әнін тыңдап, жаңа жылдық тәтті сыйлықты табыстап келді.
Адам бойындағы асыл қасиеттердің бірі – жақсылық, қайырымдылық жасау. Көмек күткен әр жанның жүрегіне жылылық ұялату – барашамыздың борышымыз. Аялы алақанын созып, мерекеде тарту жасаған Тұрарбек Тілемісұлына және жеке кәсіпкер ата-аналарымызға мектеп басшылығы дән риза.
Н.Кенжалиева, Ж.Молодағалиев атындағы №2 ЖОББМ әлеуметтік педагогы
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу