КіруОралда 2197 абонент жарықсыз отыр
Қатты желден ағаштар құлап, электр сымдары үзілген. Оның үстіне аптап ыстықтан қосалқы стансалардағы 5 трансформатор жанып кеткен. Оның үшеуі көп кешікпей резервтік трансформатормен алмастырылса, екеуі әлі жөнделуде. Шілденің шіліңгір ыстығы жерасты кабельдеріне де әсер етіпті. Кеше кештен бастап таңға дейін қалада 10 шақты жерасты электр желісі істен шыққан.
Қазір Батыс Қазақстан аймақтық электр желілері компаниясы күшейтілген жұмыс кестесіне көшті. 14 бригададағы 52 маман табиғи апаттың зардабын жоюмен айналысып жатыр. Кешке дейін қуатпен қамтудағы іркілістерді жоймақ.
– Олар майлы трансформатор болғасын, майы қызып, жүктемені көтере алмай жану фактілері болды. 2197 абонент бүгінгі таңда жарықсыз қалып отыр. Олардың басым көпшілігі кеше кешкілік сағат 7-8 уақытында болып, түнде істен шықты. Қазір Ет комбинаты шағын ауданы, орталық базар аумағы, Әмбебап аудандары, Желаев кенті және Деркөл маңы жарықсыз отыр,- деді Батыс Қазақстан облысы аймақтық электр желілері компаниясының бас инженері Асқар Ғайсин.
Айнара ИСА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу