КіруМедиасауаттылыққа арналған тренинг өтті
Бүгін, 15 сәуір күні «Bastau» коворкинг орталығында «Медиаэтика: қазақстандық кэйстер және америкалық тәжірибе» атты тренинг өтті.
Медиатренер, «Медиа білім» қорының директоры, 12 жылдық тәжірибесі бар журналист Нұрлыбек Рахманов кәсіби дамуға арналған шараның тізгінін ұстап, медиаэтика қағидалары, медиасауаттылық туралы тәжірибесін бөлісті. Нұрлыбек Рахманов елімізде сарапшылық журналистиканың дамымай жатқанын алға тартып, Америкадағы этика қағидаларын таныстырып, отандық журналистикада да бекітілген бір ұстанымдардың болу керегін сөз етті.
Сонымен қатар, медиасарапшы, «Kazakhstan Media Network» қоғамдық ұйымының атқарушы директоры Бақытгүл Бурбаева Алматыдан арнайылап келіп, қатысушылардың сұрағына жауап беріп, «MediaQuiz» ойынын ойнатты. Бақытгүл Бурбаева осымен еліміздің 9 өңіріне табан тірегенін айтып, отандық медиа саласының принциптерін түсіндіріп, журналистер жіберетін қателерге тоқталды. «MediaQuiz» ойынында қатысушылар 3 топқа бөлініп, журналистика мен облысымызға қатысты сұрақтардан тұратын 5 кезеңнен өтті.
Тренинг соңында өңірлік БАҚ өкілдері, баспасөз хатшылары, М.Өтемісов атындағы Батыс Қазақстан университеті студенттеріне сертификаттар табысталды.
Дәметкен Сағынбаева
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу