КіруМӘМС жүйесінде сақтандыру мәртебесін қалай алуға болады
Міндетті әлеуметтік медициналық сақтандыру жүйесіндегі «Сақтандырылған» мәртебесі тұрақты болуы тиіс. Ол үшін ай сайынғы жарналар мен аударымдар жасалуы керек. Әлеуметтік медициналық сақтандыру қорының Батыс Қазақстан облысы бойынша филиалының директоры Жұмағұлова Нұржамал Шамғонқызының айтуы бойынша маңызды ерекшеліктерге назар аудару керек.
Сақтандыру мәртебесі болмаса сіз жоспарлы медициналық көмек ала алмайсыз, тар бейінді маманның қабылдауында бола алмайсыз немесе тексеруден өте алмайсыз.
Медициналық сақтандыру жүйесіндегі өз мәртебеңізді бірнеше тәсілмен тексеруге болады: fms.kz. сайтында, Qoldau-24/7 мобильді қосымшасы арқылы немесе eGov.kz жеке кабинетте ЖСН нөмірі бойынша.
МӘМС төлемдері бойынша 12 айға толық үзінді көшірмені Телеграмдағы Saqtandyrubot арқылы алуға болады. «Сақтандырылу мәртебесін анықтау» тармағын таңдап, ЖСН енгізу қажет.
МӘМС-ға төлем жасағаннан кейін мәртебе бірден өзгермейді, бірақ 3 жұмыс күні ішінде өзгереді. Медициналық ұйымға барар алдында міндетті түрде мәртебені қайта тексеру қажет.
Сақтандыру мәртебесін алу үшін соңғы 12 ай бойы төлемдерді жүйелі түрде жүргізу қажет.
Сонымен қатар жаңа ережелерге сәйкес, алдағы 12 ай үшін төлем жасауға болады. Мысалы, 2022 жылдың қазан айынан 2023 жылдың қазан айына дейін бір жыл алға төлем жасай алады. Жалпы алғанда 13 төлем жасалынады.
Егер кем дегенде бір айды өткізіп алса, мәртебе берілмейді.
«Әлеуметтік медициналық сақтандыру қоры» КеАҚ-ның Батыс Қазақстан облысы бойынша филиалы.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу