КіруСаусақ ұшындағы әлем
Жуырда облыстық зағип және нашар көретін азаматтарға арналған арнаулы кітапханасы Батыс Қазақстан инновациялық-технологиялық универстетінде өтіп жатқан «Кітапхана әлемі» кітапханалық апталығы аясында «Саусақ ұшындағы әлем» тақырыбында библио-travel ұйымдастырды.
Онда кітапхана туралы дайындалған бейнеролик көрсетіліп, инклюзивті мәдениет қалыптастырудағы кітапханалардың рөлі туралы баяндама жасалды. Сонымен қатар кітапхананың кітап қорын таныстыру мақсатында кітап көрмесі, тифлоқұралдар таныстырылып, Брайль қарпі мен оның жазылу жолы түсіндірілді. Зағип жандарға арналған бұл жазу жүйесінің шығу тарихы, жүйенің негізін қалаушы Луи Брайль туралы фильм де шара қатысушылары назарына ұсынылды. «Өнерде жоқ шекара» әдеби-музыкалық композициясында кітапхананың жас оқырмандары өз өнерлерін ортаға салды. Жастар мүмкіндігі шектелгеніне қарамастан, қаламынан тамаша туындылар төккен ақындар З.Шүкіров, С.Даумов, И.Мартыновтың өлеңдерін оқып, әсем әндер шырқады. Белсенді жас оқырманның бірі, жас ақын А.Қуанышқалиев та өз шығармашылығынан өлеңдерін оқып, тыңдаушыларды тәнті етті. Ал,кітапхананың шебер жас оқырмандары А.Нықан мен Э.Жантурина өз қолдарынан шыққан бұйымдарын таныстырып, қолөнер жайындағы ой-пікірлерін білдірді. «Саусақпен сезін», «Әдеби караоке», «Book-театр-Li» қызықты тренингтері ұйымдастырылды. Шара соңында аталған оқу орынның филология, мәдениет және оқыту әдістемесі кафедрасының меңгерушісі А.С.Мухамбеткалиев ұйымдастырылған шара үшін кітапханаға алғыс білдіріп, инклюзивті, ашық қоғам құруда кітапханамен бірге серіктестікте жұмыс атқаруға оқу орынның қашан да дайын екендігін жеткізді.
Өз тілшіміз
Соңғы жаңалықтар
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
БҚО-да ірі инвестициялық жобаларды қаржыландыру мәселесі талқыланды
Құрылтай сайлауы: сайлау учаскеңізді Telegram-бот арқылы оңай анықтаңыз
Пікір үстеу