КіруҚОС УНИВЕРСИТЕТ АРАСЫНДАҒЫ БАЙЛАНЫС НЫҒАЮДА
Бүгін Жәңгір хан атындағы Батыс Қазақстан аграрлық-техникалық университеті мен Уфа мемлекеттік мұнай-техникалық университеті басшылығы онлайн форматта кездесу ұйымдастырды.
Кездесуге БҚАТУ басқарма төрағасы-ректор Асқар Наметов және проректорлар, институттар мен басқармалар басшылары,«Халықаралық қатынас бөлімі» өкілдері қатысты. Іскерлік кездесу барысында екі елдің жоғары оқу орындары арасындағы байланысты нығайту, сонымен қатар Орал қаласында ресейлік ЖОО-ның филиалын ашу туралы ұсыныстар талқыланды.
Жәңгір хан университетінің басшысы Асқар Мырзахметұлы екі білім ордасы арасында берік байланыс орнатылғанын атап өтті.
– Пандемия кезінде де бірлескен білім бағдарламалары аясындағы жұмысымызды сан алуан бағытта дамыттық. Оқу орындарының бәсекеге қабілеттілігін арттыру, халықаралық ынтымақтастық бағдарламасын дамыту мақсатында өзара әріптестігімізді одан әрі кеңейтуді көздеп отырмыз, – деді басқарма төрағасы-ректор.
Бұдан әрі қос оқу орнының басшылығы мұнай-газ ісі бойынша қос диплом беру бағдарламасын іске асыру және Жәңгір хан университеті базасында Уфа мемлекеттік мұнай-техникалық университетінің филиалын ашу жоспарларын талқылады.
Еске сала кетсек, ҚР Президенті Қ.Тоқаевтың Үкіметке елімізде беделді шетелдік жоғары оқу орындарының филиалдарын ашу, соның ішінде екі техникалық бағдарланған филиалды батыс өңірлерде орналастыру жөнінде тапсырма берген болатын. Осы ретте өндіріске қажетті мамандар даярлайтын Жәңгір хан атындағы БҚАТУ-дың мүмкіндігі мол екенін атап өткен жөн.
БҚАТУ медиа орталығы
Соңғы жаңалықтар
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Пікір үстеу