КіруҚАЗАҚСТАНДЫҚ ЖҰЛДЫЗДАР ҚАРЖЫ ПИРАМИДАЛАРЫН ЖАРНАМАЛАҒАНЫ ҮШІН ЖАЗАЛАНУЫ МҮМКІН
ІІМ қаржы пирамидаларын жарнамалағандарды қылмыстық жауапкершілікке тартуды ұсынды. Ведомство бұл ұсынысты прокуратураға жолдады.
Телеарна мәліметінше, былтыр мұндай ұйымдардан 30 мың адам зардап шеккен. Олар 54 миллиард теңгесінен айырылған.
«Қазақстандық танымал блогерлер, актерлер, әншілер мен спортшылар ақша салып, сол ақшаны ешқандай әрекетсіз көбейтуге жиі шақырады. Содан кейін полицияда зардап шеккендер мұқият болмай, осындай ұсыныстарға сеніп, миллиондарынан айрылғанын айтады. Бірақ қазір қаржы пирамидасының жарнамасы үшін жұлдыздар қылмыстық жауапкершілікке тартылмайды», – делінген сюжетте.
Сондай-ақ, алаяқтарды жауапкершілікке тарту бойынша статистика келтірілді. Зардап шеккен – 126 адам. 38 адам сотталды, қалғандары бойынша қылмыстық іс жалғасып жатыр. Оның қатарында «Гаранта 24 Ломбард» ұйымдастырушылар бар (17 мың зардап шеккен). «L-Капитал» пирамидасының екі ұйымдастырушысы да бар. Олардан 260 миллион теңгеге 300 адам зардап шеккен. Evolution corp. 3 миллиард теңге жинады. Сюжетте алаяқтарды табу қиын екені, өйткені барлық қаражат шетелге жіберілетіні айтылды.
«Қабылданған шаралар нәтижесінде жылжымалы және жылжымайтын мүлік тәркіленді, оның ішінде 60 автокөлік, 4 пәтер, 5 жер учаскесі, 31 жеке үй бар. Іс сотта қаралып жатыр. Біздің ойымызша, тиімді құрал қылмыстық жауапкершілік тағайындау. Бұл ұсынысты бас прокуратураға жолдадық», – деді ҚР ІІМ Тергеу департаменті бастығы Санжар Әділов.
https://kaz.tengrinews.kz/crime/kazakstandyik-juldyizdar-karjyi-piramidalaryin-333632/
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу