КіруБАЛАЛАРҒА АРНАЛҒАН ЕКІ АЛАҢ
Тәуелсіздік мерекесіне орай, Оралда екі спорттық және балаларға арналған ойын алаңдары ашылды.
Шаһарда көпқабатты үйлердің аулаларын жаңарту, әсіресе балалар мен жасөспірімдердің ойыны мен жаттығулар жүргізуіне қолайлы жағдай жасау бағытындағы жұмыстар жалғасуда. Соның бір дәлелі – айтулы мереке күні қаланың қос ауданында ашылған заманауи үлгідегі ойын алаңдары.
Алаңдардың ашылуына қатысқан қалалық дене шынықтыру және спорт бөлімінің басшысы Артур Шерғалиев жергілікті тұрғындарды жаңа нысандардың ашылуымен құттықтады.
«Мемлекеттік қолдаудың нәтижесінде бүгін екі жерде спорт және балалар ойын алаңдарын халық игілігіне арнап отырмыз. Мұндай аймақтардың қала тұрғындарының демалысы үшін және бұқараның салауатты өмір салтын ұстану үшін маңызы зор. Осы алаңдарда жас жеткіншіктер спортпен шұғылданып, болашақта ел мерейін үстем етер спортшылар болсын. Жаңа нысандар жалпы бұқараның тынығатын жайлы орындарына айналсын. Игіліктеріңе пайдаланыңдар!», —деді А.Шерғалиев.
Нысандарды ашу лентасы қиылған бойда балғындар арасында футболдан өзара жолдастық кездесу ұйымдастырылды. Балалардың қуаныштарында шек болмады.
Тұрғындар игілігіне ұсынылған алаңдарда кіші жастағыларға арналған ойын жабдықтары, ересектер үшін жаттығу құрылымдары мен спорттық алаң бар. Құрылыс жұмыстарын «ЖайықСити» ЖШС жүргізген.
Еске сала кетейік, биыл қалада барлығы осындай 20 спорт және балалар ойын алаңдары пайдалануға берілген болатын.
Ақағыс ӘЙІПТЕГІ
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу