КіруОРАЛДА БИЫЛ 51 АУЛА АБАТТАНДЫРЫЛАДЫ
Соның ішінде 29 ауланы кешенді абаттандыру жұмыстары шілде айында басталған болатын. Жобалық сметалық құжаттамаға сәйкес аулалардың ішкі жаяу және автокөлік жолдарын жөндеу, жарықтандыру,орындықтар, қоқыс жәшіктері,ақпараттық тақталар орнату, сонымен қатар балалар ойын және спорт алаңдарын жаңарту жұмыстар жүргізіледі.
Қазіргі таңда кешенді абаттандыру жұмыстары жүріп жатқан аулалардың бірі – Әлия Молдағұлова көшесіндегі 7-үйдің аумағы.
Жергілікті тұрғындар басталған жұмыстардың нәтижесіне риза екендіктерін айтады. Әсіресе спорт және балалар ойын алаңдарының салынуы қариялар мен балалар үшін ыңғайлы.
– Бұған дейін аулада ескі әткеншек пен сырғанақ болды. Ауланың барлық балалары үшін бұл аздық етеді. Алдағы уақытта жаңа ойын алаңы салынып, балаларымыз емін-еркін ойнайды деп сенеміз, – дейді аталмыш ауланың тұрғыны Александра Судакова.
Ал зейнеткер Бадиға Абжетова ауланың бұрында таза, жайлы болғанын жеткізіп, одан әрі көркейіп жатқанына қуанышты екенін атап өтті.
Қазіргі таңда Орал қаласында 498 аула бар. 2007 жылдан бастап бүгінгі күнге дейін 368 аула абаттандырылған. Ал өткен жылы 11 аула аумағына кешенді абаттандыру жұмыстары жүргізілген.
– Ағымдағы жылы қаламыз бойынша 29 ауланы кешенді абаттандыру жұмыстарын шілде айында бастадық. Абаттандыру жұмыстары төрт бөліктен тұрады. Оның алғашқысы – асфальт төсеу жұмыстары болса, реттілігі бойынша жарықтандыру,орындықтар, қоқыс жәшіктері,ақпараттық тақталар орнату жұмыстары, балалар ойын және спорт алаңдарын салу жұмыстары жүргізілетін болады. Жыл соңына дейін абаттандыру жұмыстарының 3 бөлігі орындалады. Ал балалар және спорт алаңдарын орнату жұмыстары қаржыландыру мәселесіне байланысты келесі жылға ауыстырылды. Сондай-ақ биыл Зашаған кентінде екі аула толықтай абаттандырылды. Ал жыл басынан бері кешенді жөндеу жұмыстарынан бөлек қалалық құрылыс бөлімі арқылы 20-ға жуық аулаға балалар және спорт алаңдарын орнату жұмыстары жүргізілді, – дейді Орал қаласы тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жандос Дүйсенғалиев.
Айта кетейік, тұрғындардың өмір сүру сапасын жақсарту мақсатында жыл сайын тұрғын үй аулаларын абаттандыру бойынша жұмыстар жүргізіледі. Қараша айынан бастап uralsk.smartmap.kz геоақпараттық порталында кешенді абаттандыру жұмыстарына өтініш беру басталатын болады.
zhaikuni.kz
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу