КіруКРУГЛООЗЕРНЫЙ КЕНТІНДЕ БАЛАБАҚША АШЫЛДЫ
15 қыркүйекте Круглоозерный кентінде балабақша үшін жаңа ғимарат пайдалануға берілді. Бұл нысанға кенттегі №23 бөбекжай көшіріліп, балаларды көбірек қабылдауға мүмкіндік жасалды.
№23 бөбекжай бұған дейін мектеп ғимаратында орналасқан болатын. Кентте мектепке дейінгі жастағы 200-дей бала болса, соның 50-ін ғана қамтуға мүмкіндік болды. Ал жаңа ғимаратқа көшірілуімен қосымша топтар ашылып, орын саны көбейтіліп отыр. Қала әкімі Абат Шыныбеков қаланың құрамдас бөлігі саналатын Круглоозерный кентінің даму көкжиегі кең екенін, болашақта тұрғындары да көбейе түсетінін атап, осы ретте мектепке дейінгі ұйымдар мәселесін шешудің маңыздылығын жеткізді. Сондықтан жеке инвесторларды тартуда жұмыстар жүргізілуі қажет.
–Мемлекет басшысы мектеп жасына дейінгі балаларды мектепке дейінгі ұйыммен қамтуды 100 пайызға жеткізу жөнінде нақты тапсырма берген болатын. Осы орайда қаламызда балабақшаларды ашу үрдісі жақсы қарқын алып келеді. Балабақшаның типтік үлгідегі, мектепке дейінгі білім мен тәрбие беруге бейімделген ғимаратта орналасуы маңызды. Сондықтан облыстық бюжеттен тиісті қаражат бөлініп, кенттегі ғимаратты жаңғыртудан өткізу арқылы бүлдіршіндеріміздің қолайлы ортада тәрбие алуларына мүмкіндік жасалды. «Берсең балаға бер, болашағы оның зор» дегендей, міне, Круглоозерный кентінде көптен күткен заманауи балабақша ашылып отыр. Екіншіден балаларды қамту көлемі ұлғайды. Қазіргі уақытта Круглоозерный кенті даму жолында. Көпқабатты үйлер салынып, қоныстанушылар көбейді. Жыл соңына дейін жаңа жер телімдері пайдалануға беріле бастайды. Халық санының өсуі кентте кәсіпкерлік нысандарының, өндіріс орындарының артуына ықпал етеді деген сенімдемін, – деді Абат Абайұлы.
Жаңа нысанды жаңғырту жұмыстарын «Қамқор Құрылыс» ЖШС жүргізген. Жаңа үлгідегі жиһаздармен жабдықталып, заманауи үлгіде безендірілген. Балаларды дамыту құралдары толықтай қамтамасыз етілген. Мұнда 4 топ жұмыс жасап, әр топқа 25 баладан қабылданады. Аулада әр топ үшін ойын алаңдары дайындалып, абаттандырылған. Балабақшаның пайдалануға берілуімен жаңа жұмыс орындары да ашылып отыр.
Қалалық білім беру бөлімінің басшысы Ақжарқын Темірханованың айтуынша, қазіргі уақытта шаһардағы 16 мыңдай бүлдіршін мектепке дейінгі ұйымда тәрбие алады. Оның ішінде 3-6 жастағы балалар 100 пайыз, 1-6 жастағыларды қамту 75,5 пайыз деңгейінде. Мемлекет басшысы қойған балаларды мектепке дейінгі ұйымдармен қамту көрсеткішін арттыруда жеке балабақшалардың ашылуы оң септігін тигізіп отырғанын атап өту керек. Қазіргі уақытта қаламызда 50 мемлекеттік балабақша болса, 84 жеке балабақша мемлекеттік тапсырыс негізінде жұмыс жасауда.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу