КіруПОЛИЦИЯНЫҢ СЕНІМДІ СЕРІГІ
Төрт аяқты көмекшілер жарылғыш заттарды, оқ-дәрі, қару-жарақтарды табу, есірткіні тасымалдаушылардың жолын кесу, із кесу секілді бағыттар бойынша қызмет атқарады. Жыл басынан бері Орал қаласы аумағында жедел-тергеу тобы құрамымен бірге қылмыстық оқиғалар орнына барған қызметтік иттердің көмегімен 141 қылмыс ашылды.
Ертеңгілік жедел-тергеу тобы құрамында кезекшілікке түскен полиция қызметкері Александр Бреусов пен оның сенімді серігі – Мұхтар дамыл таппады. Орал қаласы Полиция басқармасының ғимаратына ентелей аяқ басқандары сол-ақ еді, қала орталығында орын алған пәтер ұрлығына қайта шығып кетті. Полиция қызметкері де, қызметтік ит те сапта ысылған, кез-келген дабылға дайын тұрады, лып етіп қызметтік көлікке жайғасады.
Алғашқыда Мұхтарға қауып алмасын деген қорқынышпен, үрейлене жалтақтай қарадық. Иесі емін-еркін жетектеп келеді. Оң қолын көтеріп еді, арсылдап үргенін тыйып, үнін өшірді.
– Менің досымның есімі – Мұхтар. Ол өте жас төбет. Кішкентай ғана ит. Әжептәуір үйренісіп қалдық. Мінезі – салмақты, – деп кинолог Александр мақтай жөнелді.
Түріне қарап, «қайдағы кішкентай ит?» деген ойға келдік, кәдімгі денелі дәу төбет, төбеңе дейін секіргелі тұр. Арсылдап үргенде алды-артыңа қарамай келген ізіңмен қаша жөнелгің келеді. Алайда, түр-түсі ашық, әдемі.
Кинолог, полиция аға сержанты Александр Бреусовтің полициядағы қызметі 2017 жылдан бастау алады. Кішкентайынан күшіктерге үйір, төрт аяқтыны жақсы көріп өсіп-жетілген Александр Викторовичтің қызметі де сол сенімді көмекшілермен бірлесе жұмыстанумен ұштасуда. Бұған дейін кинолог Александр Викторович белгиялық қабаған Молинамен түрлі қылмыстық оқиғалар орнына барып, із кескен. Күрмеуі қиын қылмыстар мен құқық бұзушылық фактілері Молинаның қырағылығы нәтижесінде ашылыпты.
Тәртіп сақшысы бұл жолы аз-кем уақыт аралығында Мұхтармен достасып үлгерген. Сенімді серігі көп ретте ұрлық пен кісі тонау оқиғасына барғанда, міндетті түрде күдікті құрықталады екен. Сонымен қатар адамдардың із-түссіз жоғалу фактілері де Мұхтардың иісшілдігі нәтижесінде ашылып отыр.
Итке қатысты «адал дос», «сенімді серік» деген сөз шындыққа жанасады. Жуықта Мұхтардың көмегімен пәтер ұрлығы ашылды. Оқиға орнына барған қызметтік ит іздерді қуалай, күдіктінің бой тасаламақ болып қашқан бағытын анықтады.
Ел қауіпсіздігі үшін аса маңызды істерді атқарып жүрген кинологтар мен қызметтік иттердің алыпсоқтардың жұмыстары нәтижелі.
zhaikuni.kz
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Пікір үстеу