КіруЖАС СПОРТШЫЛАРДЫ ҚҰТТЫҚТАДЫ
Тамыздың үшінші жексенбісінде келетін Спорт күні мерекесі қарсаңында Орал қаласы әкімінің орынбасары Ерлан Ғалиев «Emir top team» спорт клубының жас спортшыларын мерекемен құттықтады. Сондай-ақ Muay Thai жекпе-жегі бойынша ел чемпионатында жоғары жетістіктерді бағындырып үлгерген спортшыларға арнаулы диплом мен сыйлықтар тарту етті.
«Emir top team» спорт клубы осыдан төрт жыл бұрын ашылған. Спорт клубының негізін салушы және аға бапкер Тимур Ешовтың айтуынша, мұнда қазіргі уақытта 5 пен 18 жас аралығындағы 80 бала жаттығады.
Клуб шәкірттерімен кездесуде шаһар басшысының орынбасары Ерлан Ғалиев спорттың адамды тәрбиелеудегі маңыздылығын атап өтті.
– Спрот ең біріншіден тәртіпке, екіншіден, мақсатқа қол жеткізуге үйретеді. Әрқайсыңыздың алдыңызға қойған мақсаттарыңыз бар. Соның ішінде спортшылардың ең басты мақсаты – әлемдік додаларда жеңіске жетіп, еліміздің көк байрағын биікке көтеру. Осы жетістікті бағындыруды, дәл сол сәттегі қуанышты сезінуді әрқайсыңызға тілеймін, – деді Ерлан Ерсайынұлы.
Қала басшысының орынбасары ұл-қыздарын ерте жастан спортқа берген ата-аналарға, балалардың үйренуі үшін жаттығу залын жабдықтап, жеткіншектерді жекпе-жек өнеріне машықтандырып жүрген Тимур Ешовқа алғысын білдірді. Сондай-ақ жуырда ғана Muay Thai боксы бойынша Қазақстан чемпионатында жеңімпаз-жүлдегер атанған клубтың спортшыларын марапаттады.
Атап айтқанда, 11 жасар Аяулым Иманбай Алматы қаласында өткен Қазақстан чемпионатында Алтын жүлдені иеленген. Осылайша жыл соңында өтетін әлем чемпионатына іріктеуден өткен. Жас спортшы қазір жаттығуларын ширатуда. Шақырту келсе, Тай еліне аттанбақ. 15 жастағы Әмір Ислам да Петропавлда өткен біріншілікте Алтын медальға қол жеткізіп, ел чемпионы атанса, 17 жастағы Әлихан Берік сол чемпионатта күміс медальға ие болған. Жаттықтырушылары Әмір мен Әлиханның ММА аралас жекпе-жегімен де айналысатынын атап өтті. Жетістіктері де бар.
Тимур Ешов болашақта клубты кеңейтпек ниетте. Қызығушылық танытқан балалардың осы спорт түрімен жаттығуы, салауатты өмір салын ұстануға дағдылануы үшін қаланың әр ауданында клуб ашуды мақсат етіп отыр.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Пікір үстеу