КіруСЕНБІЛІККЕ 3500-ДЕН АСА ҚАЛА ТҰРҒЫНЫ АТСАЛЫСТЫ
Бүгін Оралда сенбілік өтті. Тазалық шарасына 3500-ден аса тұрғын қатысты. Бұл өткен аптадан үш есеге көп. Яғни, шаһар тазалығына атсалысуға белсенділік танытқандар қатары артып келеді.
Орал қаласы әкімінің қаулысына сәйкес жарияланған санитарлық-экологиялық айлықтың екінші аптасы өтуде. Бүгінгі сенбілікте әр мекеме ұжымдары және тұрғындар шығып, өздеріне тиесілі аумақтарды, өз көшелерін тазартып, қала көркін қалыпқа келтіруге өз үлестерін қосты.
Көпке үлгі болған «Жұлдыз» шағынауданы тұрғындарының белсенділігін ерекше атап өту қажет. Шағынауданның белсендісі Жанна Жанғалиеваның ұйымдастыруымен жұлдыздық үлкен-кіші аудандағы қоғамдық орындарды – аялдамалар маңын, балабақша алаңын және ықшамаудандағы көшелерді толықтай тазалап шықты.
– Өзіміз тұратын ауданның тазалығына өзіміз жауаптымыз. Тұрғындарымыз ұйымшыл. Қоғамдық жұмыстарға белсенді. Жұлдыздықтарды біріктіруде whatsApp-тан топ аштым. Алты жылдан бері басты мәселелерімізді сол чатта талқылап, одан кейін құзырлы мекемелерге жеткізіп келемін. Бүгінгі сенбілікте әр көшенің тұрғындары өз көшелерін тазалауға шықты. Одан бөлек қоғамдық орындарды тазалауға 30 шақты адам жұмылды. Жалпы төрт сағатқа жалғасты. «Жайық таза қала» мекемесінің басшысы Ринат Нұрғалиев өзі хабарласып, біз жинаған қоқыс-қалдықтарды арнайы көліктерімен тиеп алып кетті, – деген Жанна алдағы уақытта да аудандағы сенбілік жалғасатынын айтты.
Қала бойынша сенбілікке 3500-ден аса тұрғын қатысқан. Тазалық шарасына арнайы 47 техникалық көлік жұмылдырылып, 2800 текше метр көлемдегі күл-қоқыс полигонға шығарылды. Сондай-ақ, сенбілік барысында 115 түп ағаш әктелді.
Қала әкімдігі тарапынан 872 бизнес нысанға, 62 мемлекеттік мекемеге сенбілік жұмыстарын ұйымдастыру жөнінде арнайы хабарламалар таратылған.
Еске сала кетейік, санитарлық-экологиялық тазалық айлығы 1 маусымға дейін жалғасады.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу