БҚО КАМЕРАЛЫҚ ОРКЕСТРІНІҢ ДИРЕКТОРЫ ТАҒАЙЫНДАЛДЫ

Жаңадан тағайындалған директор Салтанат Абулғазиеваны ұжымға басқарма басшысы Сайран Дүйсенов таныстырды.

Салтанат Мақсотқызы Абулгазиева 1990 жылы БҚО Теректі ауданы Қызылжар ауылында дүниеге келген.

2005-2009 жылдары Құрманғазы атындағы Саз колледжін, 2013 жылы Т.Жүргенов атындағы Қазақ Ұлттық Өнер академиясын бітірген. Өнертану магистрі.

2012-2013 жылдары М. Әуезов атындағы Қазақ Мемлекеттік академиялық драма театрының «Көрермендермен жұмыс жасау» бөлімінің менеджері, 2013-2014 жылдары М. Әуезов атындағы Қазақ Мемлекеттік академиялық драма театрының «Баспасөз қызметі» бөлімінің менеджері, 2013-2015 жылдары «Елім-ай» ЖШС-ның бөлім жетекшісі, 2014-2015 жылдары М. Әуезов атындағы Қазақ Мемлекеттік академиялық драма театрының менеджері, 2015-2017 жылдары М.Әуезов атындағы Қазақ Мемлекеттік академиялық драма театрының бөлім жетекшісі, директордың орынбасары, 2018 жылы «Қазақконцерт» мемлекеттік концерттік ұйымында баспасөз хатшысы, «Маркетинг және қоғаммен байланыс жасау» бөлімінің жетекшісі, 2018-2019 жылдары М.Әуезов атындағы Қазақ Мемлекеттік академиялық драма театры директорының орынбасары лауазымдарын атқарған.

2019 жылдан бастан күні бүгінге дейін Хадиша Бөкеева атындағы қазақ драма театрының директоры қызметін атқарып келді.

Қазақстан театрлары ассоциациясының атқарушы директоры.

«Қазақстан Республикасының Тәуелсіздігіне-25 жыл» мерекелік медальдің иегері.

Қазақстан «Серпер» Жастар Одағы сыйлығының лауреаты.