КіруБҚО-ДА ЖЫЛ БАСЫНАН БЕРІ 358 ОҚУШЫ КОРОНАВИРУСТЫҚ ИНФЕКЦИЯ ЖҰҚТЫРҒАН
Коронавирус инфекциясының таралуы бойынша Батыс Қазақстан облысы бүгін «қызыл» аймаққа кіргені мәлім.
БҚО денсаулық сақтау басқармасы баспаөз қызметінің мәліметінше, індет таралған уақыттан бері облыста жалпы коронавирустық инфекцияның 13 878 жағдайы тіркелген. Олардың 7 466-сында ауру белгілері білінген болса, 6412 жағдайда симптомсыз өткен. Бүгінде 11 459 азам жазылып шықты. Олардың 5160-ы стационарларда емделген, 6299-ы – амбулаторлық ем алғандар. Осы індеттен 219 өңір тұрғыны көз жұмды.
Өткен тәулікте 51 адамнан коронавирустық инфекция анықталды, апта ішінде 413 жағдай тіркелген.
Бүгінде covid-19 белгілері бар пневмониямен 250 науқас стационарға орналастырылған, 40 адам үйде емделуде.
Науқастардың алтауы өкпені жасанды желдету аппаратына қосылған. 14 науқас оттегі концентратымен демалуда. 68 науқас орталықтандырылған оттегіге қосылған.
Өңірде 591 орындық жеті инфекциялық стационар бар. Қазіргі уақытта инфекциялық стационарларда 275 науқас жатыр, яғни 46,5 пайызға толық. Карантиндік стационарлардың саны – төртеу, 195 кереуетке есептелген. Бүгінде 19 адам орналастырылған, толымдылығы 19,5 пайызды құрайды. 62 реанимацияық кереует бар, оларда 16 адам ем алуда, толымдылығы – 25,8 пайыз.
Сондай-ақ 1981 орын резерві дайындалған. Олардың 1221-і инфекциялық, 765-і карантиндік кереуетке арналған.
Оқу жылы басталғалы 563 оқушыда инфекция анықталды. Оның 358-і – жыл басталғалы наусқастанғандар. Басқарманың мәліметінше, балалардың бәрінде де ауруды отбасы мүшелерінен жұқтырғаны анықталған.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу