КіруН.НАЗАРБАЕВ ДАҢҒЫЛЫНЫҢ ДИЗАЙН-КОДЫ ТАНЫСТЫРЫЛДЫ
Бүгін, 10 наурыз күні Орал қаласы әкімдігі қоғам белсенділерімен, даңғыл бойындағы бизнес нысандарының иелерімен кездесіп, «Нұрсұлтан Назарбаев даңғылының функционалдық аймақтарын салу регламенті» жобасын таныстырды. Бірыңғай дизайн-кодты енгізу көшенің ақпараттық көрнекі тартымдылығын қамтамасыз ету, жарнамалық құрылымдарды оңтайландыру, толыққанды архитектуралық-көркемдік ортаны қалыптастыру мақсатында қолға алынып отыр.
Қаламызда дизайн-кодты енгізуді Н.Назарбаев даңғылынан бастау тегін емес. Өйткені даңғыл тарихи орталық мәртебесіне ие. Даңғыл бойында 161 мәдени-тұрмыстық қызмет нысаны бар. Олардың 38-і – архитектуралық мұра саналады. Жаңартылған жаяу жүргіншілер жолындағы инфрақұрылымдар даңғылдың келбетіне оң әсерін бермек. Екіншіден, бұл даңғылда мәдени-тұрмыстық қызмет нысандары көп болғандықтан, қасбеттердің өзгеруі шағын және орта бизнестің дамуына да ықпал етері анық. Сондай-ақ көшенің көркем көрінісі туристердің қызғушылығын арттырады деген сенім бар.
– Қазіргі Н.Назарбаев даңғылының келбеті қала тұрғындарының көңілінен шықпайды деп ойлаймын. Әсіресе, бұл өткен ғасырлардан жеткен тарихи ғимараттарға жарнамалық өнімдердің қаптап ілінуіне қатысты. Бірыңғай дизайн-кодпен жаңартудың мақсаты – осындай келеңсіздікті қалыпқа келтіру болып табылады, – деді кездесу барысында қала әкімінің орынбасары Асхат Құлбаев.
Жобаны мемлекеттік сатып алу нәтижесінде жеңімпаз ретінде танылған «ARCHIBUILD GROUP» ЖШС дайындаған. Жобаның жалпы құны – 26 млн. 432 мың теңге.
Қалалық сәулет бөлімі басшысының орынбасары Ботагөз Түстікбай таныстырып өткендей, жобада даңғылды шартты түрде үш аймаққа бөлу ұсынылған. Олар – тұрғын үй, әкімшілік және тарихи-мәдени аймақ. Тұрғын үй аумағы – Ә.Молдағұлова көшесі мен Ықсанов көшесінің аралығын қамтиды. Ықсанов көшесінен Қ.Жұмағалиев көшесінің қиылысына дейін – әкімшілік аумақ, Қ.Жұмағалиев көшесінен Пугачев көшесіне дейін – тарихи аумақ ретінде бөлініп, әрқайсысы түспен кодталады. Мәселен, тұрғын үй аумағы – жасыл, әкімшілік – көк, тарихи аумақ – қызыл түс.
– Түспен кодтау – интуитивті навигация үшін қосымша құрал болмақ. Бағыттама, жол белгілері, маршруттардың сызбасы – барлығында орналасу аймағына қарай түс коды сақталуы тиіс. Сондай-ақ ақпараттық құрылымдарды орналастырудың үш негізгі принципі бар. Біріншіден, егер бір ғимаратта бір ғана кіру есігі орналасып, дегенмен онда бірнеше жалға алушы болатын болса, онда бөлек тұратын ақпараттық құрылым орнату ұсынылады. Екіншіден, ғимаратта бірнеше есік және бірнеше меншік иесі болса, регламентке сәйкес қасбеттеріне тақтайшалар ілуге болады. Үшіншісі, бір ғимаратта бір ғана меншік иесі орналасқан болса, онда қасбетке орналастырады. Тарихи нысандарға ерекше талап қойылады. Олар ақпараттық конструкцияны уәкілетті органның рұқсатынсыз орналастыра алмайды. Шатырға, тіректерге тақтайшаларды орналастыруға болмайды. Қабырғаға орналастыру кезінде белгіленген өлшемнен асуға рұқсат берілмейді. Бірінші және екінші қабаттың сызығынан жоғары қоюға және терезелер мен есіктер секілді сәулеттік бөлшектерін жабуға болмайды, – деп түсіндірді сәулет бөлімі басшысының орынбасары Ботагөз Түстікбай.
Қала әкімдігінің мәліметінше, алдағы уақытта Әбілқайыр хан, Абай даңғылдары және Шолохов пен С.Датов көшелері де бірыңғай үлгіде болады.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу