Кіру«NUR OTAN-НЫҢ» БҚО ФИЛИАЛЫ БЕС ЖЫЛДЫҚТЫҢ ЖОЛ КАРТАСЫН ӘЗІРЛЕДІ
Жол картасында партияның сайлауалды бағдарламасындағы басымдықтарды жүзеге асыру нақтыланған. Бес жыл бойы атқарылатын іс-шаралар фракция мүшелерінің танысуына ұсынылды. Құжат 15 ақпан күні кеңейтілген фракция отырысында талқыланып, бюро шешімімен бекітіледі.
Бүгін, 11 ақпан күні облыстық филиал Төрағасының бірінші орынбасары М.Мұқаев фракция мүшелерімен онлайн кездесу өткізді. Кездесуде праймериз және сайлауалды үгіт-насихаттық кездесулер кезінде халықтан жиналған аманаттарды жүзеге асыру мәселесі қозғалды.
Фракция басшысы М.Мұқаевтың мәліметінше, кездесулер кезінде облыс тұрғындары партия өкілдеріне 2000-нан астам аманат жүктеген. Олардың 40 пайызы сайлауалды бағдарламаға енген ұсыныстар.
– Жиналған аманаттар 7 басым бағыт бойынша жіктелді. Аманаттардың орындалуы – біздің басты назарымызда болады, оған бірлескен жұмыс қажет, – деген Мұрат Рахметұлы облыстық мәслихаттардың қала және аудан мәслихаттары депутаттарымен қарым-қатынасын нығайту, әр өңірдегі мәселелердің шешімін табуға бірлесе жұмыстану жолдары туралы айтты.
Кездесудің күн тәртібіндегі екінші жайт – облыстық филиал төрағасы, облыс әкімі Ғали Есқалиевтің тапсырмасы бойынша халық үшін өзекті мәселелердің шешілуіне депутаттардың үн қосуы. Бұл орайда әр депутат тұрғындарды мазалап жүрген жағдайларды ескере отырып, өзіне қолайлы, жанына жақын сала бойынша мәселені көтеріп, жыл бойы сол бағытта жұмыстануы керек. Мұндай тәжірибе облыстық партия филиалында бұған дейін де қалыптасып үлгерді. Мәселен, өткен жылы облыстық мәслихат депутаты – «Uniserv» компаниясының басшысы Н.Сәтбаев діни экстермизммен күрес мәселесін қозғап, дін саласындағы мамандардың біліктілігін арттыруды қаржыландырған. Депутат Д.Ғалиметдинова коммуналдық қызметтер бойынша бірыңғай төлем жүйесін енгізуге жұмыстанды. Дәл осындай жұмыстарды қазіргі депутаттар да жалғастыруы керек.
Фракция талқылауына ұсынылған үшінші мәселе – «Nur Otan» партиясының сайлауалды бағдарламасын орындау. Қазіргі уақытта бес жылға арналған сайлауалды бағдарламаны іске асыру іс-шарасының жол картасы дайындалған.
– Жол картасында әр депутаттың міндеттемелері бөлінді. Бұл ретте олардың қай салада қызмет жасайтыны, қай салаға жақын екені, туған жері ескерілді. Жүктелген міндеттеме бойынша олар халықпен, мемлекеттік органдармен бірлесіп, мәселені шешудің жолдарын іздеуге жұмыстанатын болады, – деді фракция басшысы Мұрат Рахметұлы.
15 ақпан күні кеңейтілген фракция отырысы өтеді. Жол картасы сол күні тағы бір мәрте талқылаудан өтіп, партияның бюро отырысында нақты бекітілмек.
Эльмира НҰҒМАНОВА,
zhaikuni.kz
Соңғы жаңалықтар
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Пікір үстеу