КіруОРАЛДА БІР ТӘУЛІКТЕ 240 ЖОЛ ЕРЕЖЕСІН БҰЗУ ФАКТІСІ АНЫҚТАЛДЫ
2 ақпаннан бастап Орал қаласы аумағында «Қауіпсіз жол» жедел алдын алу іс- шарасы өткізілуде. Іс-шараның алғашқы күнінде сақшылар жол жүру ережелерін бұзудың 240 фактісін анықтады.
Қазақстан Республикасы Әкімшілік Құқықбұзушылық туралы Кодексінің 590-бабымен көлік құралдарын пайдалану қағидаларын бұзу фактісі бойынша 19 хаттама толтырылса, көлік құралдарын басқару кезінде 12 жүргізушінің ұялы телефонмен сөйлескені анықталды. Сонымен қатар, қала ішіндегі жолдарда жылдамдықты шамадан тыс үдеткен 54 жүргізуші, қауіпсіздік белдігін тақпаған 20 жүргізуші, көлік құралын масаң күйде басқарған 3 жүргізуші айыппұлдарын төлейді. Қазақстан Республикасы Әкімшілік Құқықбұзушылық туралы кодекстің 615-бабына сай – жаяу жүргіншілердің және жол қозғалысына қатысушылардың жол жүрісі қағидаларын бұзған 47 жаяу жүргіншіге тәртіп сақшылары хаттама толтырды, 6 көлік арнайы автотұраққа қойылды.
«Қауіпсіз жол» жедел алдн алу шарасы 7 ақпанға дейін жалғасын табады. Орал қаласы Полиция басқармасы темір тұлпар тізгініндегі жүргізушілер мен жаяу адамдардың жол ережелерін есте ұстап, тәртіп бұзбауларын сұрайды.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу