КіруСЫНШЫЛАР ЖҮЛДЕСІМЕН МАРАПАТТАЛДЫ
Бүгін «Халықаралық театр сыншылар бірлестігі» өткен жылды қорытындылап, қазақстандық театрлар атқарған жұмысты саралады.
Пандемияға байланысты ZOOM платформасында өткен онлайн шараға теарт сыншылары, еліміздегі театрлардың басшылары, көркемдік жетекшілері қатысты.
Театрларға сараптаманы отандық сыншылар жүргізді. Олардың қатарында Анар Еркебай, Сания Қабдиева, Бақыт Нұрпейіс, Амангелді Мұқан, Меруерт Жақсылықова, Зухра Исламбаева, жас театртанушылар Назерке Құмарғалиева, Моншақ Бекайдарова, Ұлжан Құрманбай, Жансая Тұрмағанбет бар.
Театр сыншысы, бірлестіктің Қазақстандағы жетекшісі Анар Еркебай еліміздегі мемлекеттік және тәуелсіз театрлар арасында карантин уақытындағы театрлардың аяқ алысы туралы айтып берді. Оның айтуынша, биыл мониторингке 60 театрдан 40 театр қатысып, сауалнамаға жауап берген.
Сыншылар шығарған көрсеткіш бойынша 2020 жылғы онлайн форматтағы жұмыстың нәтижесінде Хадиша Бөкеева атындағы облыстық қазақ драма театры үздік ондыққа кірді.
Мұнымен қоса театр өнері саласындағы арнайы үздіктерге «Сыншылар жүлдесі – 2020» марапаты берілді. «Жылдың жаңа есімі» номинациясымен Хадиша театрының бас режиссері Гауһар Адай, ал театр актеры Ербол Есендосов «Мен» қойылымындағы Мен рөлі үшін «Үздік актер» номинациясында сыншылар жүлдесімен марапатталды.
Хадиша Бөкеева атындағы облыстық қазақ драма театрының ақпарат бөлімі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу