ЗАШАҒАН КЕНТІНІҢ ӘКІМІ ТАҒАЙЫНДАЛДЫ

Орал қаласының әкімінің өкімімен Зашаған кенті әкімінің міндетін атқарушы лауазымына Аққали Әубекеров тағайындалды.

Аққали Үмбетқалиұлы 1963 жылы Батыс Қазақстан облысы, Жәнібек ауданы, Таловка ауылында дүниеге келген.
Білімі – жоғары. 1985 жылы Батыс Қазақстан ауылшаруашылық институтын агроном мамандығы бойынша бітірген.
Еңбек жолын Батыс Қазақстан облысы, Жәнібек ауданының Свердлов совхозының ферма агрономы қызметінен бастап, әр жылдары түрлі лауазымда қызмет атқарды.
1986 жылы Жәнібек ауданының комсомол жастар ұйымдары бөлімінің нұсқаушысы
1986-1989 жылдары «Свердловский» совхозы комсомол комитетінің хатшысы
1989-1992 жылдары Қазақстан комсомол жастар ұйымдарының Жәнібек аудандық комитетінің І-ші хатшысы
1992-1993 жылдары Жәнібек аудандық әкімшілігінің Жастар ісі жөніндегі бөлім меңгерушісі
1993-1996 жылдары «Жәнібек» кеден постының инспекторы
1996-1997 жылдары Жәнібек аудан әкімі аппаратының аға реферанты
1997-1998 жылдары ҚР ішкі істер органдарына қызмет етті, Жәнібек ауданы
2000-2005 жылдары БҚО Төтенше жағдайлар басқармасы, дайындық орталығының бас маманы
2005-2007 жылдары БҚО сәулет, қала құрылысы және құрылыс басқармасының бас маманы
2007-2008 жылдары «Рысқалиев» ЖК-нің экономикалық мәселелер жөніндегі директордың бас маманы
2008-2009 жылдары «Нұр Отан» ХДП БҚО бойынша филиалының ұйымдастырушы –партиялық бөлімінің кеңесшісі
2009-2012 жылдары «Нұр Отан» ХДП БҚО бойынша филиалының партиялық бақылау комиссиясының инспекторы
2012-2014 жылдары «Нұр Отан» ХДП БҚО бойынша филиалы төрағасының орынбасары
2014 жылдан күні бүгінге дейін Орал қалалық мәслихатының хатшысы қызметін атқарды.

Еске сала кетйік, бұған дейін Зашаған кенті әкімі қызметін атқарған Әділбек Қадыров Орал қаласының әкімі А.Шыныбековтың өкімімен қала әкімінің кеңесшісі лауазымына тағайындалған болатын.

Версия для печати