КіруКӨЛІКТІҢ ИЕСІ ІЗДЕСТІРІЛУДЕ
Оралдық полицияның иесіз көлікті күзеткеніне екі айға жуықтады. Оралдық сақшылардың жол бойында иесіз қаңтарылған жүк көлігін торып жүргеніне екі айға жуықтады. Облыстық полиция департаментінің дерегінше, бұл көліктің жүруіне тыйым салынған.
Сақшылар тоқтатқан кезде жүргізушісі көліктен түскенде кілтті жоғалтып алғанын айтып ақталыпты. «Қосалқы кілтін үйден әкелемін» деп кеткенінен әлі оралмаған. Енді полиция жол жиегінде тұрған иесіз мәшинені күзетуге мәжбүр болып отыр. Полициядан айласын асырған иесі көлікке тиелген етті басқа көлікке тиеп әкетіпті.
Жүк мәшинесінің иесі – Орал қаласының тұрғыны. Осыған дейін де оның бір көлігі төленбеген қарызы үшін ұсталып, айыптұраққа апарылған екен. Енді сақшылар мына көлікке не істерін білмей дағдарып отыр.
БҚО ПД ресми өкілі Болатбек Белгібековтың айтуынша жүргізуші із-түзсіз, хабарсыз кеткен.
– Облыстық полиция батальоны командирінің соққан қоңырауларына жауап бермейді. Айыптұраққа апаруға үлкен жүк көлігі, бізде ондай мүмкіндік әзірге жоқ. Әсіресе, тәуліктің қараңғы уақытында бұл автокөлік жол қозғалысының басқа да қатысушыларына өз кедергісін жасауда. Сол үшін де патрульдік автокөлік сол жүк көлігінің маңында, айналасында жүруге мәжбүр болып отыр,– деді Болатбек Еркебұланұлы.
Айнара ИСА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу