КіруБАТЫСҚАЗАҚСТАНДЫҚ ҚОС ҰСТАЗ 1000 АЕК КӨЛЕМІНДЕ СЫЙАҚЫ АЛДЫ
Бүгін «Ұстаздар күні» мерекесіне орай Білім және ғылым министрлігі ұйымдастырған республикалық «Үздік педагог» байқауы жеңімпаздарының салтанатты марапаттау рәсімі барлық өңірлерде бір уақытта бейнеконференция байланысы арқылы өткізілді. Бұл туралы БҚО білім басқармасы баспасөз қызметі хабарлады.
«Үздік педагог» байқауының республикалық кезеңіне Батыс Қазақстан облысынан мектепке дейінгі, жалпы білім беру және кәсіптік техникалық білім беру ұйымдарының жеті педагогы жолдама алған болатын.
Шара барысында Білім және ғылым министрі А.Аймағамбетов педагогтарды төл мерекесімен құттықтап, «Үздік педагог» байқауының жеңімпаздарды марапаттады.
Байқаудың қорытындысы бойынша Батыс Қазақстан облысында 2 педагог жеңімпаз атанды. Олар –
жалпы білім беретін Қ.Мырзалиев атындағы орта мектебінің тарих және құқық пәнінің мұғалімі Гулдана Нұғманова және облыстық балалар техникалық шығармашылығы орталығының қосымша білім беру педагогы Мирболат Құспанов.
Жеңімпаздарға «Білім беру ұйымының үздік педагогы – 2020» төс белгісі, куәлік, сондай-ақ 1000 АЕК (2 778 000 теңге) сыйақы сертификатын облыс әкімінің орынбасары С.Егізбаев табыстады.
Айта кетейік, «Үздік педагог» республикалық конкурсы педагогтердің қоғамдағы мәртебесін және беделін арттыру, үздік мұғалімдердің озық педагогикалық іс-тәжірибесін тарату мақсатында 2012 жылдан бастап жыл сайын өткізіледі.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу