КіруБАТЫС ҚАЗАҚСТАНДА МАЛ АЗЫҒЫ ТАПШЫ
Батыс Қазақстан облысының шаруалары малға қысқы азық таппай тарығып отыр. Өйткені биыл жарытып шөп шықпаған. Осыдан болар бар азықтың бағасы жылдағыдан еселепті. Жауапты мамандар биыл өңірдегі өзен-көлдерге су жеткілікті деңгейде келмеді әрі жарытып жаңбыр да жаумады деп отыр.
Жағдай аймақтағы Қазталов, Ақжайық және Жаңақала аудандарында ушығып тұр. Кейбір қожалық қысқы мал азығын қазір басқа аудандардан тасып жүр. Шаш-етектен шығынға батса да, қолдағы малды сақтап қалудың жалғыз амалы – осы. Ал жағдайы жетпегендер қамыс пен қоғаны шауып жатыр. Бірақ қыстан қиналмай шығуға бұл да жеткіліксіз екенін мойындайды.
– Мал азығы жоқ. Енді білмейміз, проблема болып жатыр. Өзекті мәселе жасыратыны жоқ. Қозғау керек. Қозғағанда кім қозғайды? Енді Үкіметтен бір көмек сұраймыз. Басқалай қайда барамыз,- дейді ауыл тұрғыны Әділбек Жанболатов.
Өңірде биыл жауын аз түскен. Сырттан келетін тіршілік көзінің мөлшері де азайған. Осылай деген жергілікті атқамінерлер қуаңшылық мал азығының қымбаттауына түрткі болғанын айтты. Қазір бір бума шөп 9 мың теңгеге дейін саудалануда. Бұл мәселе сала мамандарына таныс. БҚО ауыл шаруашылығы басқармасының бас маманы Жақсығали Жамбаев бағаның шарықтауына ешқандай шара қоладана алмаймыз дейді.
–Қазір облыстың үш ауданындағы шаруа қожалықтары көрші аудандардағы әріптестерімен келісім жасап, артылған шөпті тасып жатыр. Осы келісімге сай 30 мың тоннаға тарта шөп жеткізілді. Қазір аудандардағы бір бума шөптің бағасы 4000-9000 теңге аралығында. Бірақ біз бағаны реттемейміз. Оған құзырымыз жоқ, – деді БҚО ауыл шаруашылығы басқармасының бас маманы Жақсығали Жамбаев.
Жаңақала ауданы әкімі Наурызбай Қарағойшин шөп басқа аудандардан жеткізіліп жатқан соң қымбат болатынын айтып отыр.
– Тасымалданған шөптің бағасы әрине қымбат. Бізде бес ауылдық округтерінде мал азығын жеңілдету бағытында аудандық бюджеттің төтенше жағдайлар резервінен жану-жағармайын бөлу арқылы жұмыстар жүргізілуде. Бұл аз қамтылған отбасыларына ғана қаралып отыр,– деп мәлемдеді Жаңақала ауданының әкімі Наурызбай Қарағойшин.
Ауыл шаруашылығы басқармасының дерегінше, өңірде қысқы мал азығын дайындау жоспары 96 пайызға орындалыпты. Дегенмен шаруалар қағаздағы деректің малға азық болмайтынын жақсы біледі. Олар енді төрт түліктің санын азайтып, мал басын ықшамдауға кіріскен.
Айнара ИСА,
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу