КіруБАТЫСҚАЗАҚСТАНДЫҚ 92 ОҚУШЫ «МЫҢ БАЛА» ҰЛТТЫҚ ЗИЯТКЕРЛІК ОЛИМПИАДАСЫНДА ЖҮЛДЕГЕР АТАНДЫ
21 тамыз күні ауыл мектептеріне арналған «Мың бала» Ұлттық зияткерлік олимпиадасының ІІ (қорытынды) кезеңі өтті.
«Мың бала» – ауыл балаларын қолдау мен дамытуға, олардың қала құрдастарымен табысты бәсекелесуіне жағдай жасауға, білімдегі алшақтықты қысқартуға бағытталған ұлттық ауқымдағы бірегей жоба.
Жоба Нұрсұлтан Назарбаев Қоры мен «Елбасы академиясы» КҚ-ның «Ел Үміті» талантты жастарды анықтау және қолдау бойынша бастамасы аясында іске асырылуда.
Олимпиада екі кезеңде өтті және ол еліміздің ауыл мектептерінің 5 және 6 сыныптағы 295 мың оқушыны қамтыды. Олимпиаданың II кезеңінің бес мың қатысушысы – Қазақстанның әр түрлі ауылдарынан келген оқушылардың функционалдық сауаттылығы мен абстрактілі-логикалық ойлау дағдылары бойынша бағаланды. Батыс Қазақстан облысында олимпиаданың қорытынды кезеңіне 5-6 сыныптардан 171 оқушы қатысты.
Екінші кезеңнің қорытындысын шығару ұпайларды саралау және бүкіл ел бойынша ең жоғары тестілеу нәтижелері бар 1000 оқушыны іріктеу арқылы жүргізілді. Олимпиаданың II кезеңінің қорытындысы бойынша 1000 жеңімпаз іріктеліп алынды, оның ішіндегі 92 жеңімпаз Батыс Қазақстан облысынан екенін атап өткен жөн. Атап айтқанда,
– 5 сыныптардан – 49 жүлдегер, 6 сыныптардан – 43 жүлдегеріміз бар. Біздің оқушылар жоғары нәтиже көрсетті және Батыс Қазақстан облысы олимпиадаға қатысу сапасы бойынша республика облыстарының көшбасшыларының үштігіне кірді, – деп хабарлады БҚО Білім басқармасының баспасөз хатшысы Үміт Жәңгірова.
Олимпиада қорытындысы бойынша жоғары балл жинаған, республиканың түкпір-түкпірінен келген 30 бала (6 сынып) Республикалық физика-математика мектебіне (Алматы қ. филиалы) қабылдануға ұсынылды.
Республикалық физика-математика мектебінің филиалында (Алматы қ.) оқуға Батыс Қазақстан облысынан бір оқушы ұсынылған. Ол Мұнар Жұмабай есімді Теректі ауданы Ақжайық орта мектебінің 6-сынып оқушысы. Екі оқушы мектеп резервіне алынып отыр. Олар – Досымжан Ахмет (6 сынып, Тасқала ауданы, «Сәулет» МЛ) және Альбина Максименко (6 сынып, Бәйтерек ауданы, Новень ЖОББМ).
zhaikuni.kz
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу