КіруОРАЛДА ЖАЙДАРМАН ОЙЫНЫ ӨТТІ
«Жайдарман» әзілкештері Орал қаласы әкімінің кубогын сарапқа салды. Республикалық ойынның телевизиялық түсірілімі жергілікті «Aqjaiyq» телеарнасы арқылы жүзеге асты. Қала күні қарсаңында оздырылған додаға Түркістан, Қостанай, Ақтөбе, Атырау облыстарынан және жергілікті жайдарманшылардан құралған 8 команда қатысып, бақтарын сынады.
Қоғамда көрініс тапқан оқиғалар мен түйткілді мәселелерді астарлы әзіл-қалжыңмен жеткізуге тырысқан командалар жоғары деңгейдегі дайындықтарын көрсетті.
Тартысты сайыс нәтижесінде үшінші орынға оралдық «Талант» құрамасы лайық деп танылды. Екінші орын Қостанай облысынан келген жоғары лига ойыншылары Рудный құрамасына бұйырды.
Ал киелі Түркістан қаласынан келген «Түркістан құрамасы» Орал қаласының әкімінің жүлдесіне арналған республикалық жайдарман фестивалінің жеңімпазы атанды.
Ақтөбеден келген «ЖемСағыз» жайдарман тобының мүшесі Нұрдәуір Нұрланұлы аталмыш ойынның «Үздік ойыншысы» атанды.
Орал қалалық ішкі саясат бөлімінің қолдауымен, «Ғасыр» жастар қоғамдық бірлестігінің ұйымдастыруымен өткен фестивальге қатысқан барлық топтар алғыс хатпен марапатталып, жеңімпаздарға бағалы сыйлықтар табысталды.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу