КіруПРОФИЛАКТИКАЛЫҚ ЖҰМЫСТАРҒА БАЙЛАНЫСТЫ ҚАЛАДА БІР АПТА ЫСТЫҚ СУ БОЛМАЙДЫ
Орал қаласында алдағы жылыту маусымын кедергісіз бастау үшін әзірлік жұмыстары өткен жылыту маусымы аяқталған кезде-ақ басталған болатын. Жылумен қамтушы «Жайық жылу қуат» АҚ жылу-электр орталығының жабдықтары мен қала ішіндегі 5,2 шақырымдық жылу желісін жөндеуді жоспарлаған. Бүгінгі күні жылу-электр орталығындағы жөндеу 62,5 пайызға, жылу желілерін жөндеу 50 пайызға орындалған. Бүгін, 12 тамыз күні кәсіпорынға арнайы барған қала әкімі Абат Шыныбеков қазандықтардың жөндеу жұмыстарын қадағалап, жөндеу жұмыстарының жылыту маусымы басталғанға дейін ыждағаттауды ескертті. Сондай-ақ тұрғын үйлер мен мекеме-ұйымдардың да дайындалуын жеделдетуді тапсырды.
«Жайықжылуқуат» АҚ басшысы Қуат Мусин таныстырғандай, жылу-электр орталығындағы Ст.№10 КВГМ-100 қазан агрегатының бүйірлік құбырлары ауыстырылған. Су жылыту қазандығы жылыту маусымына 100 пайызға дайын. Ал Ст.№5 БКЗ75-39 ГМ жылу қазандығы агрегатының алғышеп экран құбырлары ауыстырылуда. Бұл қазандық бойынша жұмыстар 70 пайызға орындалған. Жылу желілері бойынша жалпы 5,212 шақырымдық желіні жаңарту көзделген болса, қазіргі уақытта 2,611 шақырымы бойынша жөндеу жұмыстары аяқталған. Кварталішілік желілер бойынша – Фрунзе көшесінде 170 метр, Құрманғазы көшесіндегі 93 метр, Орақбаев көшесінде 72 метр, 6-шы шағынауданда 130 метр, Ружейников көшесінде 78 метр, Ет комбинатында 31 метр жылу желілері ауыстырып салынған. Қазіргі уақытта Х.Доспанова көшесінде 145 метрлік жылу жүйесі, Есқалиев көшесінде 58 метрлік жылу жүйесі, Ықсанов көшесінде 43 метрлік жылу жүйесі жөнделуде. Кәсіпорынның теңгеріміндегі 22 қазандықта 57 қазан бар. Бүгінгі күнге 44-інің негізгі жабдықтары жөнделген. Нақты айтқанда, қазандықтардың дайындығы 77,2 пайыз.
– Жөндеу жұмыстары кесте бойынша жүргізілуде. Жыл сайын жылу мерзімінің басталуының алдында жылу-электр орталығын тоқтатып, жасалатын профилактикалық жұмыстарымыз бар. Осы жұмыстарды 16 тамыздан бастап жүргізбекпіз. Сол себепті бір апта бойы жылу-электр орталығын тоқтатылады, қалада ыстық су болмайды, – деді Қуат Мусин.
Биыл «Нұрлы жер» бағдарламасы бойынша Зашаған кентіндегі «Водстрой» қазандығы жаңартылады деп жоспарланған. Қайта құру жұмысын атқаратын «Жайық құрылыс» ЖШС-мен 546,303 млн. теңгеге келісім жасалған. Мердігер компания қазір демонтаждауды 80 пайызға орындады. Қазанды алуға тапсырыс берген. Ол қыркүйек айының аяғында жеткізілмек. Одан соң монтаждық жұмыстарды жүргізуге уақыт керек. Шаһар басшысы Абат Абайұлы қазандықты жаңарту жұмыстарын жылыту маусымы басталғанға дейін аяқтауды тапсырып, осы қазандық арқылы жылумен қамтылатын 33 тұрғын үй (2147 абонент), 7 әлеуметтік-мәдени ғимарат пен 43 нысан 15 қазанда басқаларымен бірдей жылуға қосылуы тиіс екенін қатаң тапсырды.
Орал қаласы тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жандос Дүйсенғалиевтің мәліметінше, шаһарымызда «Жайықжылуқуат» АҚ қызметін тұтынатын 1196 тұрғын үй бар. Олардың 827 тұрғын үйге ПИК-тер қызмет көрсетеді, 336 тұрғын үй – қызмет көрсетушісіз болса, 33-і – жеке үйлер. Қазіргі уақытта ПИК-тер қызмет көрсететін үйлердің 440-ында, қызмет көрсетушісіз үйлердің 14-інде сығымдау жүргізілген. Десек те ПИК қызметін қолданбайтын тұрын үйлердің ішінде тұрғындары жыл сайын жылыту маусымына дайындыққа немқұрайлы қарайтын, соның салдарынан дайындықты күн суытқанда бастап, жылыту жүйесіне әбден қыс түскенде қосылатын үйлер бар. Қала басшысы бұл мекенжайлардың тұрғындарымен алдағы аптадан бастап кездесулер ұйымдастырып, ақпараттық жұмыстарды жүргізуді, әзірлік шараларын тұрғындармен бірлесе жүргізу қажеттігін ескертті.
«Жайықжылуқуат» АҚ директорының коммерциялық мәселелер жөніндегі орынбасары Есенжан Шонаевтың айтуынша, бүгінде жылу үшін оралдықтардың 400 млн. теңгеден аса қарызы бар.
Эльмира НҰҒМАНОВА
Версия для печати
Соңғы жаңалықтар
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Пікір үстеу