КіруРҰҚСАТ ҚҰЖАТТАРСЫЗ ДӘРІЛІК ЗАТТЫ ЕЛДЕН ШЫҒАРМАҚ БОЛҒАН
Шілде айының басында ҚР ҚМ Қаржы мониторингі комитетінің Батыс Қазақстан облысы бойынша Экономикалық тергеу департаменті «Тасқала» автомобиль өткізу пунктінде Қазақстан Республикасынан Ресей Федерациясына бағыт алған жүк көлігінің тауар тасымалдау құжаттарын тексеру барысында Қазақстаннан әкетуге уәкілетті орган беретін тиісті рұқсат құжаттарсыз, сомасы 1,7 млн. АҚШ долларын құрайтын «Физиотенз» дәрілік затын тапты.
Тексеріс барысында «Нобел Алматы Фармацевтикалық Фабрикасы» АҚ-ның бұл дәрілік затты ҚР аумағынан әкету тәртібін бұзу арқылы алып шыққысы келгені анықталды. Бұл ҚР Денсаулық сақтау және әлеуметтік даму министрінің 2015 жылғы 17 тамыздағы №668 бекіткен бұйрығына, дәрілік заттар мен медициналық бұйымдарды Қазақстан Республикасының аумағына әкелу және дәрілік заттар мен медициналық бұйымдарды ҚР аумағынан әкету және «ҚР тіркелген және тіркелмеген дәрілік заттар мен медициналық бұйымдарды әкелуге (әкетуге) келісім және (немесе) қорытынды (рұқсат беру құжатын) беру» мемлекеттік қызмет көрсету қағидаларына қайшы болып табылады.
Нәтижесінде сот акционерлік қоғамды ҚР ӘҚБТК 463-бабының 1 б. сәйкес кінәлі деп танып, әкімшілік құқық бұзушылық объектілерін тәркілеместен, 416 700 теңге көлемінде айыппұл салды.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу