КіруОРАЛДАҒЫ АЛТЫ СПОРТ АЛАҢЫ ЖАҢАРДЫ
Соңғы 10 жылдың ішінде Оралда 52 спорттық алаңы салынды. Олардың барлығы қалалық дене шынықтыру және спорт бөлімі «Орал спортық клубының теңгерімінде. Уақыт өте келе бірқатарының қоршаулары, қақпа-қалқандары бүлініп, жабындарының тозығы жеткен.
Спорт клубының директоры Есқабыл Жалмұрзиевтің мәліметінше, спорттық алаңдардың жасанды жабындарын ауыстыру үшін биыл жергілікті бюджеттен 20 млн. теңге бөлініп, алты алаңның жасанды жабыны жаңартылып отыр.
– Жабындар 5-6 жылға төзуі керек. Бірақ, климаттың әсері де коррозияға әкеледі. Әрі қолдануға байланысты. Біз тазалығын жүргізіп, бүлінген жағдайда бригадамен келіп жөндеу жасаймыз. Спорт алаңдары құлыпталмайды, тәулік бойы ашық. Сондықтан тұрғындардың өздері де күтіп-ұстауға мүдделі болса дейміз, – дейді Есқабыл Әбілшақұлы.
Қазіргі жаңартылған алаңдардың барлығы 9-10 жыл бұрын салынғандар. Мәселен, С.Датов көшесі бойындағы спорт алаңы 2011 жылы қолданысқа берілген. Жаңа Орда, 3, Строитель, 43, Назарбаев 203, И.Тайманов, 176 мекенжайларындағы және Круглоозерный оауылындағы алаңдардың да салынғаны 10 шақты жыл өтіпті. Әбден тозып, жабыны жыртылып, топыраққа айналған алаңдарға бетон құйылып, жасанды көгал, резеңке жабын төселген. Жаңарту жұмыстарын «Алтын ел» жеке кәсіпкерлігі жүргізді.
Орал қалалық дене шынықтыру және спорт бөлімі басшысының міндетін атқарушы Артур Шерғалиевтің айтуынша, өткен жылы шаһардағы жеті алаңның жасанды жабыны ауыстырылды, 31 алаңда ағымдағы жөндеу жасалды. Десек те әлі 10 алаң жөндеуді қажет етеді.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу