КіруОРАЛДА 1239 ОҚУШЫ ЖҰМЫСПЕН ҚАМТЫЛДЫ
Оқушылар жазғы демалыс кезінде өздері оқитын мектепте жұмыс жасап, еңбекақы ала алады.
Орал қалалық білім беру бөлімінің мәліметінше, бүгінде шаһарымыздағы мектептердің жоғары сынып оқушыларынан ата-аналарының келісімі бойынша 1239 жеткіншек жұмыс жасауға ниет етіп, құжаттарын тапсырған.
– Білім беру бөлімі жазғы кезеңде оқушылардың бос уақытын ұйымдастыру бойынша жоспарлы жұмыс жүргізуде. Қазақстан Республикасының «Халықты жұмыспен қамту туралы» Заңының негізінде жазғы демалыс кезінде жалпы білім беретін мектептердің жоғары сынып оқушылары қоғамдық жұмыстарға қатысуға құқылы. Яғни, оларды оқудан бос уақытта денсаулығына зиян келтірмейтін және оқу процесін бұзбайтын жұмыстарға еңбекке тартуға болады. Қазіргі уақытта қала мектептері оқу орны бойынша жоғары сынып оқушыларының қоғамдық жұмыстарын ұйымдастыруда, – дейді қалалық білім беру бөлімінің әдіскері Айсәуле Есқожина.
Оқушыларға мектептің ішіндегі жеңіл жұмыстар ғана ұсынылады. Мәселен, №2 Жұбан Молдағалиев атындағы орта мектепте 20 оқушы қоғамдық жұмыстарға тартылған. Олар күніге сағат 9.00-ден 13.00-ге дейін білім ұясы аумағында гүл суару, ауланы тазалау жұмыстарымен айналысады және мектептің кітапханасына көмектесуде.
– Біз жазғы демалыс кезінде қоғамдық жұмыс ұсынылатыны туралы оқушыларға толықтай хабар бердік. Ықылас танытқан 20 оқушы құжаттарын тапсырды. Олармен үш айға, яғни тамыздың 28-інші жұлдызына дейін келісімшарт жасалды. 15 маусымнан бастап жұмысқа кірісті. Барлығы да 10 сыныпты тәмамдаған оқушылар. Жұмыстың алғашқы күні қауіпсіздік ережелерімен таныстырдық. Әр күн сайын жұмысқа келген кезде олардың дене қызуларын өлшейміз, – дейді мектеп директорының оқу ісі жөніндегі орынбасары Гүлнара Бекқалиева.
Оқушыларға жасаған жұмыстарына «Жұмыспен қамту орталығы» арқылы ай сайын 42 500 теңгеден төленеді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Пікір үстеу