КіруАККУМУЛЯТОР ҰРЛАҒАНДАР ҰСТАЛДЫ
Орал қ.ПБ КПб жедел уәкілдері 30 мамыр мен 4 маусым аралығында, кешкі сағат 18.00-ден соң бірнеше аккумулятор ұрлаған, 4 эпизодты қылмысқа жол берген 2 жігіттен құрылған қылмыстық топты құрықтады.
Орал қаласы Полиция басқармасының баспасөз қызметі хабарлағандай, олар қаладағы бірнеше ірі ЖШС-інің ауласында тұрған ірі ауыр жүк көліктерінің аккумуляторын ұрлап, жеңіл көліктердің салонынан жеке мүліктерді үптеп, ізінше жоғары құнмен сатып үлгерген. Мысалы, Зрелов көшесіндегі ірі ЖШС- і ауласында тұрған «КАМАЗ» маркалы көліктің аккумуляторын түнде шешіп, 50 мың теңгеге сатқан. 1965 жылғы В. есімді көлік иесі таңертеңгілік қызметіне келгенде аккумулятор жоғын көріп, басшылыққа хабар жеткізген. Полиция қызметкерлерінің құрығына түскен 1982 жылғы Бәйтерек ауданының тұрғыны, 1989 жылғы Ет комбинаты ауданының тұрғыны ұрлыққа барғандарын мойындады. Барлық ұрланған айғақ заттар тәркіленді.
Орал қ.ПБ Қазақстан Республикасы Қылмыстық кодексінің 188-бабының 3 бөліміне сай 4 эпизодты қылмыстық іс қозғап, тергеу бөлімінде тергелуде.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу