КіруСЫҢҒЫРЛА, СОҢҒЫ ҚОҢЫРАУ!
Бүгін Оралдағы Назарбаев Зияткерлік мектебінде онлайн режимде оқу жылының аяқталуына орай соңғы қоңырау салтанаты өтті. Биыл Зияткерлік мектеп 7-сыныпқа 168 оқушыны қабылдаса, 68 түлек алтын ұясынан қанат қақты. Олардың бірқатары бүгінде отандық және шетелдік университеттерден шақырту алып үлгерді.
– Зияткерлік мектеп қауымдастығы еліміздің білім беру саласында жүктелген жауапкершілікті сезініп, оқушылардың зияткерлік және шығармашылық әлеуетін дамытудағы қызметін абыроймен атқарды. Биыл оралдық 100-ден астам зияткер халықаралық, республикалық олимпиада, ғылыми жобалар байқауы мен түрлі сайыстардан жүлделі оралды, – деп атап өтті мектеп директоры Айдарбек Айтпукешев.
Мектеп робототехниктері Венгрияда өткен Бүкіләлемдік чемпионатта үздік сегіздікке кірсе, педагогтар жылдағы дәстүрден жаңылмай озық тәжірибені таратуда белсенді жұмыс атқарды. Тәрбие бағытында «Алтын ұрпақ» жобасы бастау алып, ата-аналар қатысуымен кітапсүйерлер қауымдастығы құрылыпты. Салтанатты шара барысында мектеп мұғалімдері, оқушылары және олардың ата-аналары сөз алды. Барша қауымдастықты соңғы қоңырау мерекесімен белгілі әнші Димаш Құдайберген де құттықтады.
– Назарбаев Зияткерлік мектебінің ұстаздары, жарқын өмірге, болашаққа, кемел қадам басқалы жатқан мектеп бітіруші түлектер! Сіздерге мол бақыт, қажымас қайрат тілеймін. Еліміздің ертеңі үшін талмай еңбек етіп, биік белестерден көрінетіндеріңізге сенемін. Барлық арман-мақсаттарыңызға жете беріңіздер, – деді ол арнайы жолдаған видеоқұттықтауында.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу