КіруЖЫЛҚЫЛАР ЗАҢДЫ ИЕЛЕРІНЕ КАРАНТИННЕН КЕЙІН ҚАЙТАРЫЛАДЫ
Күні кеше әлеуметтік желілер арқылы Ақжайық ауданының Өлеңті ауылы аумағында бір мыңға тарта ұрланған жылқының табылғаны туралы ақпарат тараған болатын. Сондай-ақ желі қолданушысы өз жылқыларын танығандардың барып алып кетуіне болатынын айтқан. Алайда, БҚО Полиция департаменті басқармасы осы мәселе туралы түсіндіріп, әзірге жылқылар сол орында күзетпен ұсталатынын мәлімдеп отыр.
Жедел-іздестіру шаралары барысында БҚО Полиция департаменті криминалдық полиция қызметкерлері мен Ақжайық ауданының полиция бөлімі облыс аумағында мал ұрлығымен айналысқан ұйымдасқан қылмыстық топты анықтады. Олар 1978, 1982, 1987 жылғы ағайындылар болып шықты.
Қазіргі уақытта ұсталғандарға қатысты Қылмыстық Кодекстің 188-бабы (Мал ұрлығы) 4-тармағымен 3 эпизод бойынша сотқа дейінгі тергеу амалдары жүргізілуде.
Сондай-ақ күдіктілердің тұрғылықты мекенжайынан тіркелмеген аңшылық және атыс қаруы, әр түрлі калибрлі патрондар, пышақ табылып отыр. Бұл факті бойынша Қылмыстық Кодекстің 287-бабы 3-тармағымен (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) тергеу жүргізілуде.
Бұдан бөлек полиция қызметкерлері ұсталған азаматтардың қылмыстық әрекетінен зардап шеккендерді анықтау жұмыстарымен айналысуда.
Полиция өкілдері қазір карантин режимі болғандықтан, азамттардан карантиндік талаптарды сақтап, полиция бөлімшелеріне келмеуді сұрап отыр. Бұған дейін жылқыларының ұрланғаны туралы түскен өтініштер бойынша анықтау жүргізіліп, егер осы табында ол жануарлар бар болса, заңды иелеріне карантин аяқталғаннан кейін қайтарылады.
– Әлеуметтік желілер, мессенджерлер арқылы осы іске қатысты жалған ақпарат таратылуда. Осы орайда төтенше жағдай кезеңінде жалған және көрінеу жалған ақпарат таратқандар ҚР Қылмыстық Кодекстің 274-бабы бойынша қылмыстық жауапкершілікке тартылатынын ескертемін. Әзірге сотқа дейінгі тергеу амалдары, тиісті тергеу шаралары жүргізілуде, бұған дейін түскен шағымдар бойынша табылған жылқылардың иелері анықталуда. Тергеу іс-әрекетін жүргізу үшін зардап шеккендерге полиция қызметкерлерінің өздері барады. Барлық жануарлар актіленген. Ақжайық аудандық полиция басқармасы жергілікті әкімдікпен бірге жануарларды күзету және жайылымға шығару ұйымдастырылуда, – дейді БҚО Полиция департаментінің ресми өкілі Болатбек Белгібеков.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Пікір үстеу