КіруҚОЛӨНЕРДІ ХОББИІНЕ АЙНАЛДЫРҒАН
Он саусағынан бал тамған Венера Есенова қолөнердің хас шебері. Түрлі матадан тігін тігу, тоқыма тоқу оның сүйікті ісі. Үй тұмарларын, оюлы ламбрекендер, түрлі сабаққа қажетті дидактикалық ойындар, мектеп пен балабақшаларды безендіру, сан түрлі әшекейлер дейсіз бе, бәрін қаршадай кезінен қолға алған жанның еңбекқорлығына таңқалмасқа лажың жоқ. Қала берді ол өз үйінің балконын сән салонына айналдырып, нәзік жандардың қабағын, кірпігін сәндеп, шугаринг те жасайды.
Кейіпкеріміздің мамандығы – бастауыш сынып мұғалімі. Бүгінде қаладағы №50 орта мектептің мектепалды даярлық тобында сабақ береді. Алайда, ине мен жіпті, қарындаш пен қағазды Венера жанына бала кезінен серік еткен. Анасынан үйренген өнері қазір көпшіліктің таңдайын қақтырады. Ол қол қусырып қарап отырғанды ұната бермейді, қалт етсе қолөнеріне қарай ұмтылады. Уақытпен санаспастан, күні-түні тапжылмай отырып, он саусағы майысқан шебердің келістіріп тіккен тұмарлары мен үйді безендіретін бұйымдары көпшіліктің сұранысына ие. Әсіресе, ұзатылатын қыздарға арналған сырға салу қобдишасы тіптен көз алғысыз. Қолдан жасалған дүниелер қай заманда да сәннен қалған емес. Олар жоғары бағаланады. Ал шеберлер үшін одан асқан бақыт жоқ.
Әр бұйымды жасамас бұрын қиялына ерік беретін ісмер Бөкейорда ауданындағы Мұратсай ауылының тумасы. Отбасындағы төрт перзенттің тұңғышы. Небары алты айлығында асқар таудай әкесінен қапыда көз жазып, өмір бойы әке мейірімін аңсап өскен Венера балалық шағы өте қиындықпен өткенін жасырмайды.
Толығырақ «Жайық үні-Жизнь города» газетінің 2020 жыл 9 сәуір күнгі №13 санынан оқи аласыздар.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу