КіруОРАЛДЫҚ КӘСІПОРЫНДАР БЕТПЕРДЕ ӨНДІРУДІ БАСТАДЫ
Қазіргі уақытта жеті жеңіл өндіріс кәсіпорны жеке қорғану құралын өндіруді қолға алды. Әзірге «ҚазМедКом», «Адванс-Маркет» серіктестіктері және Қазақ саңыраулар қоғамының Орал оқу-өндірістік кәсіпорны іске кірісті.
– Медициналық бетперденің тапшылығына байланысты төрт күн бұрын бетперде тігуді қолға алдық. Осы күнге дейін 6000-нан аса қорғану құралын дайындадық. 100 пайыз мақтадан жасалған бөз матадан, қос қабатталып тігіледі. 12 тігінші жұмыс жасауда. Жұмыс кестесі қалыпты – 9.00-ден -18.00-ге дейін. Шикізатты Ресейден алдырдық, 100 мың данадай тігуге жететін қорымыз бар. Тауардың өз құны 140 теңгеге шығады, біз 180 теңгеден ұсынамыз, – дейді «Адванс-Маркет» ЖШС директоры Берік Әбілқасов.
Аталмыш серіктестік қазір тапсырыс бойынша «Жайық Таза Қала», «Орал ТехСервис», Полиция департаменті мекемелерінің ұжымына дайындауда. Егер жергілікті әкімшілік тарапынан дәріханалар немесе сауда орындары арқылы саудаға шығаруға қолдау көрсетілсе, тігін фабрикасы мақсатты түрде халықтың сатып алуы үшін өндіруге дайын.
Жергілікті кәсіпорындар аптасына 100 мың дана бетперде өндіреді деп күтілуде. Алдағы уақытта олар дәріхана желілеріне таратылмақ.
– Жеке қорғану құралдары фармацевтикалық бақылау комитеті бекіткен стандарт бойынша ауа өткізетін матадан тігілуі тиіс. Көлемі бойынша үлгі ұсынылды. Осы талапқа сай кәсіпорындар өндірісті бастады. Әрине, бұл мәрлі, матадан тігілетін жеке қорғану құралдары. Ал «ҚазМедКом» компаниясының лицензиясы бар. Олар қазір сертификаттарын рәсімдеуде. Жақын күндері осы компания медициналық бетперделерді дайындайтын болады. Кәсіпорындарымыз аптасына 100 мың дана жеке қорғану құралын шығаратын болса, өңір тұрғындарының сұранысын қанағаттандыратын боламыз, – деді БҚО кәсіпкерлік және индустриалдық-инновациялық даму басқармасы басшысының орынбасары Жанна Бекқалиева.
Өндірілген тауар бағасы қандай болары әзірге белгісіз. Бұл өндірушінің шығынына қарай реттелмек. Дегенмен, БҚО кәсіпкерлік және индустриалдық-инновациялық даму басқармасы негізсіз көтеру болмайтынына сендірді. Жергілікті кәсіпорындар өндірген қорғану құралдарын дәл қазіргі уақытта Н.Назарбаев даңғылында орналасқан №1 дәріханадан алуға болады. Айта кетерлігі бұл жеке қорғану құралдары бірнеше мәрте қолдануға жарамды. Жуып, үтіктеп пайдалана берсе болады.
Эльмира НҰҒМАНОВА
Версия для печати
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу