КіруОРАЛ ҚАЛАСЫ МЕШІТІНІҢ БАС ИМАМЫ АУЫСТЫ
Қазақстан мұсылмандары діни басқармасының төрағасы, Бас мүфтидің бұйрығымен Орал қалалық «Тәжиден Батырұлы» атындағы мешіттің бас имамы қызметіне Руслан қажы Сұлтанов тағайындалды.
Жұма күні ҚМДБ-ның БҚО бойынша бас имамы Мұратбек қажы Қыстаубаев Орал қалалық «Тәжиден Батырұлы» атындағы мешітінің жамағатымен кездесіп, жаңа имамды мешіт жамағатына таныстырды. Қызметіне сәттілік тіледі.
Руслан Тыныштықұлы – Ақжайық өңірінің тумасы. Жоғары білімді, иманды азамат. Алматы қаласындағы Нұр-Мүбарак Египет ислам мәдениеті университетінің түлегі, Дінтану ғылымдарының магистрі. Алғашқы имандылық жолын Көкшетау қаласынан бастап, аталған мешіттің наиб және бас имам қызметін абыроймен атқарған. Орал қалалық мешітінде бас имам, 2013-2018 жылдар аралығында ҚМДБ-ның БҚО бойынша өкіл имамы болды. 2018 жылдан бүгінге дейін Нұр-Сұлтан қаласындағы республикалық «Әзірет Сұлтан» мешітінің наиб имамы, ҚМДБ орталық аппараттағы Халықаралық қатынастар және хаттама бөлімінде маман қызметін атқарған.
Айта кетейік, бүгінге дейін Орал қаласы мешітінің бас имамы қызметін атқарған Мейрамбек Әбдрахманов «Орал» облыстық мешітіне наиб имам болып тағайындалды. Облыстық мешіттің бас имамы Мұратбек қажы Қыстаубаев Орал қалалық «Тәжиден Батырұлы» атындағы мешіттің бас имамы қызметін абыроймен атқарып келген Мейрамбек Әбдрахмановқа қазақы дәстүрге сай құрмет көрсетіп, иығына шапан жапты.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу