КіруДерекқордағы мәлімет жаңартылды ма?
Есептік мерзімнен кейін әр жылдың 31 наурызына дейін үкіметтік емес ұйымдар уәкілетті органға өздері туралы мәлімет ұсынуы тиіс. Алайда, бұл міндетті орындамай отырған ұйымдар жетерлік. Үкіметтік емес ұйымдармен өзара іс-қимыл мәселелері бойынша өткен жиында шаһар басшысының орынбасары Б.Нарымбетов қалалық құрылымдық бөлім басшыларын осы іске атсалысуға шақырды.
Қазір Орал қаласында 462 ҮЕҰ бар. Бірақ, олардың төрттен бірі ғана нақты жұмыс жасайды. Яғни ашылып, Әділет органына тіркелгенімен, бүгінде бірқатары іс жүзінде жоқ. ҮЕҰ филиалдары мен өкiлдiктері ҚР «Коомерциялық емес ұйымдар туралы» Заңының 41-бабы 5 тармағына сәйкес өздері туралы мәліметті жыл сайын 1 қаңтар мен 31 наурызға дейін infonpo.kz веб-порталына толтыруы қажет. Бұл веб-портал бойынша әр ұйым өз қызметі туралы, оның ішінде құрылтайшылары, мүлкінің құрамы, ақшаны қалыптастыру көздерi мен жұмсау бағыттары туралы мәліметтерді енгізеді. ҮЕҰ Дерекқорына өз қызметі туралы мәліметтерді ұсынудың баламалы тәсілі есеп берудің қағаз нұсқасын толтыру. Оны CD-дискте немесе флэш-жинақтауышта қосымшасымен қоса пошта арқылы жолдау ұсынылады. Былтыр үкіметтік емес ұйымдар дерекқорына Орал қаласы бойынша 95-і ғана мәлімет ұсынған.
– Облыс бойынша 600-ден астам қоғамдық ұйым болса, соның басым бөлігі қалада тіркелген. Біздегі үкіметтік емес ұйымдардың басым бөлігі спорт саласына қатысты. Сондай-ақ білім беру, мәдениет, денсаулық сақтау, ветеринария, жол қауіпсіздігі, тұтынушылар құқығын қорғау бағыттарында құрылған бірлестіктер мен орталықтар, қорлар бар. Құрылымдық бөлімдерден өздерімен жұмыс жасайтын үкіметтік емес ұйымдармен байланысып, олардың дерекқордағы өздері туралы мағлұматтарды жаңартуына ықпал етулерін сұраймыз, – деді қала әкімінің орынбасары Бақытжан Нарымбетов.
2017 жылдан бастап әкімшілік құқықбұзушылықтар Кодексіне сәйкес Үкіметтік емес ұйымдар туралы дерекқорға ақпар енгізбеген ұйымдардың жетекшілеріне әкімшілік жауапкершілік қаралған. Есептік мерзімнен кейінгі 31 наурызға дейін мәлімет бермегендерге алғашқыда ескерту, келер жылы 10 АЕК көлемінде айыппұл салынады. Бүгінгі күнге қала бойынша 26 ұйым ғана есеп тапсырып отыр.
Ескерерлік маңызды мәселе – аталмыш есепті тапсырғандар ғана мемлекеттік-әлеуметтік тапсырысты орындауға және ҰЕҰ-ға арналған гранттар бойынша өтетін байқауларға қатыса алады.
Эльмира НҰҒМАНОВА
Версия для печати
Соңғы жаңалықтар
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Пікір үстеу