КіруСАУДА ҮЙЛЕРІНДЕ ҰРЛЫҚ КӨБЕЙДІ
Жыл басынан бері Орал қаласы аумағында орын алған 3 197 ұрлық фактісі тіркелген. Олардың басым бөлігі, яғни 33 пайызы – ұялы телефон ұрлығы.
Орал қаласы Полиция басқармасы жергілікті полиция қызметі бастығының орынбасары, полиция майоры Жәнібек Дүйсемовтың мәліметінше, ұрлық көбіне адамдар көп жиналатын жерде болады. Соның ішінде сауда үйлерде жиі орын алып отырғанын атап өту керек.
– Көпшілік өздерінің жеке заттарына бейқам қарайды. Осы орайда, ұрлықшылар адамдардың алаңғасарлығын пайдаланып кететін жайттар аз емес. Жыл басынан бері сауда үйлерінде 174 ұрлық орын алды. Оның 65-і ұялы телефонның ұрлануына қатысты. Нақтырақ айтсақ, «City Center» сауда ойын-сауық орталығында 55 ұрлық, «Адал» сауда үйінде – 27, «Орал» сауда ойын-сауық орталығында – 13, «Атриумда» – 11, «Азизада» – 11, «Asia Mall» сауда үйінде — 10, «Аяжанда» — 8, «Московскийда» — 7, ТЦ «Alem Plaza» сауда үйінде — 6 ұрлық фактісі тіркелді, – дейді полиция майоры Жәнібек Рахымұлы.
Қазіргі уақытта қоғамдық көліктерде жолаушылардың ақпараттануы үшін қалта ұрлықшыларының қаупі туралы жадынамалар мен қылмыскерлердің фотосуреттері ілінген. Енді қала әкімдігі мен жергілікті полиция қызметі дәл осындай ақпараттық жадынамаларды сауда үйлеріне орналастыруда.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу