КіруҚАРИЯЛАРҒА КӨМЕКТЕСТІ
1 қазан – халықаралық қарттар күніне орай, Бөрлі ауданы, Ақсай қалалық мешіті және мешіт жанынан құрылған «Берекелі жамағат» еріктілер тобының бірлесуімен қайырымдылық шарасы өтті.
Қайырымдылық шарасы аясында еріктілер Қанай, Бөрлі, Бумакөл, Облавка ауылдарында болып, аз қамтылған, көпбалалы, жалғызбасты қарияларға, яғни 15 отбасыға азық-түлікпен көмектесті. Қайырымдылық шарасына қатысқан мешіт имамдары игі бастама алдағы уақытта да жалғасын табады дейді.
Ислам діні жағдайы бар азаматтарды қоғамдағы әртүрлі тағдырымен қайырымдылыққа мұқтаж болған кісілерге, қоғам мүшелеріне көмектесуге, қол ұшын беруге, жәрдемдесуге шақырады. Пайғамбарымыз да (с.ғ.с.) өзінің бір хадисінде: «Өзі тоқ жатып, көршісі аш жатқан адам бізден емес», – деген. Сондай-ақ, Құран Кәрімнің бірқатар аяттары да жұртқа садақа беруге, көмектесуге, қол ұшын созуға, тамақтандыруға шақырады». Осылай деген Бөрлі аудандық, Ақсай қалалық мешітінің бас имамы Қанат Жакенов мешіттің ұйымдастырып отырған бұл қайырымдылығы осы өсиеттердің аясында екенін жеткізді. Айта кетейік, «Берекелі жамағат» еріктілер тобы 2019 жылдың наурыз айында құрылған. Күні бүгінге дейін еріктілер тобының қолдауымен аудан бойынша 300-ден астам қайырымдылық сөмкесі таратылса, 600-ден астам адамға көмек көрсетілген.
Үміт ЖӘҢГІРОВА, Бөрлі ауданы
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу