Кіру«КІТАПХАНА – ТАҒДЫРЫМНЫҢ ТЫНЫСЫ»
Ж.Молдағалиев атындағы облыстық әмбебап ғылыми кітапхананың ұйымдастыруымен Ғ.Құрманғалиев атындағы филармонияның концерт залында саналы ғұмырын кітапхана саласына арнап келе жатқан осы саланың ардагері Гүлжан Жұмақаеваның 70 жасқа толуына арналған «Кітапхана – тағдырымның тынысы» тақырыбында мерейтойы өтті.
Адамзаттың қолымен жасалған ұлы байлығының бірі – кітап. Осынау баға жетпес қазынаны халыққа жеткізу жолында облыс кітапханаларының көшбасшысы болып келе жатқан Ж.Молдағалиев атындағы облыстық әмбебап ғылыми кітапхананы 1982-1999 жылдары, 2000-2008 жылдары басқарған директор, білікті басшы, Түркияда өткен халықаралық кітапханашылардың басын қосатын ИФЛА конференциясының делегаты, Қазақстан кітапхана қызметкерлерінің ІІ съезінің делегаты, Батыс Қазақстан облысы мәдениет саласының, кітапхана саласының ардагері – Гүлжан Төлегенқызы күні бүгінге дейін Қазақстан инновациялық және телекоммуникациялық жүйелер университетінің кітапханасында жұмыс істеп, жас ұрпақтың сапалы білім алуы мен саналы ғұмыр кешуіне атсалысып келеді.
Өзінің өнегелі ғұмырында кітапханашы мамандығына адалдықты, сүйіспеншілікті ізін басқан жастарға үлгі қылып көрсете білген жандардың бірі – Гүлжан Төлегенқызы кітапхана ісін алға дамыту мақсатында аянбай еңбек етті. Жаңа технологияны кітапхана ісіне енгізудің бастамашысы болды. Тәуелсіздіктің алғашқы жылдарында республикада ең алғашқылардың бірі болып қазақ және шетел тілдерін меңгеру курстарын ұйымдастырды, құжаттарды қазақ тіліне аудару қызметін жолға қойды. «Ауыл энциклопедиясы – Шағын Отан» жобасы аясында барлық аудандардың, әр ауылдың тарихын хаттап, ауыл энциклопедиясын жасақтады. Ресей мен Қазақстан мемлекеттері арасындағы «Шекарадағы кездесу» жобасы қолға алынып, шекаралас орналасқан аудандармен тығыз кітапханалық ынтымақтастық жолға қойылды.
Кеш барысында облыстық мәдениет басқармасының басшысы Қ.Мұсағалиев, Гүлжан Төлегенқызының туған жері – Қаратөбе елінен аудандық мәдениет, тілдерді дамыту, дене шынықтыру және спорт бөлімінің басшысы Ғ.Қайырғалиев, Ақжайық ауданы әкімінің орынбасары Т.Ғабдушев, өлкетанушы, тарихшы Ж.Ақбай, мәдениет саласының ардагері С.Анищенко және еліміздің бас кітапханасы ҚР Ұлттық кітапханасынан келген директордың кітапхана ісі жөніндегі орынбасары А.Юсупова мерейтой иесін құттықтап, «Кітапхана ісінің ардагері» төсбелгісімен марапаттады. Сонымен қатар кеште сөз алған бизнесті басқаруға қабілетті, жоғары білімді, білікті мамандар даярлауда елеулі тәжірибесі бар беделді оқу орны кешенінің президенті, ҚР Ұлттық инженерлік академиясы (ҚР ҰИА) Батыс Қазақстан филиалының төрағасы, Ұлттық инженерлік академиясының академигі, Ұлттық инженерлік академиясының мүшесі, профессор А.Әйтімов, мерейтой кешіне арнайы Астана қаласынан келген Гүлжан Төлегенқызының апасы Гүлбаршын Жұмақаева, жазушы, халықаралық «Алаш» әдеби сыйлығының иегері М.Шүйіншәлиева, Батыс Қазақстан облысының мәдениет басқармасына қарасты мекеме басшылары, Жұбан Молдағалиев атындағы облыстық әмбебеп ғылыми кітапхана директоры Ш.Уразаева, Хамза Есенжанов атындағы облыстық балалар мен жасөспірімдер кітапханасының директоры З.Утешева, Сырым аудандық орталықтандырылған кітапханалар жүйесінің директоры А.Уәлиахметова, жоғары және арнаулы оқу орындарының өкілдері мен қаладағы мектеп кітапханашылары құттықтап, игі тілектерін жеткізді.
Шара барысында кеш кейіпкерінің өмірі мен атқарған қызметі туралы «Ізгіліктің үрдісі, кемелдіктің кеңесшісі» атты кітап көрмесі ұйымдастырылып, бейнефильм қатысушылар назарына ұсынылды.
Аягүл НУФТУЛЛИНА, Ж.Молдағалиев атындағы БҚОӘҒК-ның Қоғаммен байланыс және көпшілік жұмыс секторының жетекшісі
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу