Кіру«ЖАСЫЛ ЕЛ» САРБАЗДАРЫ КӨМЕККЕ КЕЛДІ
Оралда «Жасыл ел» жастар еңбек жасақтарының екінші тобы жұмысқа кірісті.
«Жасыл ел» жастар еңбек жасақтары 2005 жылы Елбасы Нұрсұлтан Назарбаевтың бастамасымен құрылған бағдарлама. Биыл облысымыз бойынша 1 175 сарбаз «Жасыл ел» қатарында еңбек етеді. Жасылелдіктердің негізгі жұмысы орман массивтерін қалпына келтіру, қоршаған ортаны сақтау, тал теректерді абаттандыру. Жасақтың облысымыздағы филиалының жетекшісі Аслан Тапишевтің айтуынша, алғашқы ауысымда 338 жас еңбек етсе, екінші ауысымда 618 ұл-қыз «Жасыл елге» қабылданған. Сарбаздардың барлығына арнайы киім берілді. Олардың айлық жалақылары 50-60 мың теңге аралығында.
Қала бойынша 400-дей жас жасақ қатарына тартылған. Олар қалалық тұрғын үй коммуналдық шаруашылығы және тұрғын үй инспекциясы бөлімімен бірге жұмыстанып, ағаштарды кесу, абаттандыру, тиісті мекенді күл-қоқыстан тазарту, қалаға көрік берер гүлдер мен түрлі көшеттерді отырғызу жұмыстарына үлес қосуда. Сондай-ақ «Жәңгір хан» атындағы БҚАТУ 105 сарбазға жұмыс орнын ұсынып отыр.
Бейбарыс СҰЛТАН
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу