КіруЖАЛПЫХАЛЫҚТЫҚ ДИКТАНТ ӨТЕДІ
Қазақстан Республикасы Президентінің 2018 жылғы 19 ақпандағы № 637 Жарлығына және Қазақстан Республикасы Премьер-Министрінің 2018 жылғы 13 наурыздағы № 27 өкімімен бекітілген «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарына» сәйкес 2018 жылдың 14 қарашасында республика бойынша жалпыхалықтық диктант өткізіледі.
Мақсаты: латын негізді қазақ тілі әліпбиінің, «Қазақ тілі емлесінің негізгі ережелері» жобасының практикалық тұрғыда меңгерілуін жан-жақты қамту, нақтылай түсу, өзін-өзі бағалау, бейімделу.
Міндеттері: Қазақстан Республикасының тіл саясатын жүзеге асыру, латын негізді қазақ тілі әліпбиін меңгеру, тілді меңгеруге деген қызығушылықты арттыру.
Шарты: Диктантқа 15 жастан жоғары барлық азаматтар қатыса алады.
Белгіленген орынға келіп қатысушылар өздерімен қаламсаптарын алып келеді. Диктант арнайы әзірленген парақта жазылады.
Сонымен қатар, диктантты emle.kz, tilalemi.kz сайттарының басты бетінде орналасқан сілтемемен компьютер немесе ұялы телефон (смартфон) арқылы кіріп, белгіленген уақытта диктант аудиосын тыңдай отырып жаза алады. Диктантты сканерлеу немесе фотоға түсіру арқылы kztilbas@mail.ru, tilortalyk_kzi@mail.ru электрондық пошталарына жолдауы қажет. Сондай-ақ диктант аяқталған соң аталған сайтта диктанттың дұрыс нұсқасы мен диктантты бағалау өлшемшарттары шығады. Әрбір пайдаланушы жұмысын дұрыс нұсқамен салыстыра отырып, өлшемшарттарға сәйкес өзін-өзі бағалайды.
Бқо Тілдерді Дамыту Басқармасы
Соңғы жаңалықтар
Батысқазақстандық полиция қызметкерлеріне гуманитарлық көмек жіберілді
ҚР Премьер-Министрінің бірінші орынбасары су тасқыны орын алған аумақтарды көрді
Пікір үстеу