КіруЖАЛАҚЫСЫ САҚТАЛМАЙТЫН ДЕМАЛЫСҚА ЖІБЕРІЛГЕНДЕРГЕ 42500 ТЕҢГЕ ТӨЛЕНЕДІ
Коронавирус пандемиясына байланысты Қазақстан Республикасы аумағында төтенше жағдай енгізілуіне орай бүгін БҚО өңірлік коммуникациялар қызметі алаңындағы брифингте жергілікті атқарушы органдар тарапынан қабылданған іс-шаралар мәлімделді.
Қала әкімі Абат Шыныбеков төтенше жағдай кезеңінде мемлекеттік қолдау шараларымен қатар кәсіпкерлер тарапынан халыққа қолдау көрсетіліп жатқанын атап өтті.
– Жылдың алғашқы тоқсанында оралдық 1367 отбасына мемлекеттік атаулы әлеуметтік көмек тағайындалған еді. Қазір оларға кепілдендірілген әлеуметтік топтама үлестірілуде. Сонымен қатар «Nur Otan» партиясы қалалы филиалы «Bizbirgemiz» акциясы аясында жергілікті кәсіпкерлердің көмегімен 200-ге жуық мүмкіндігі шектеулі жандарға, ардагерлерге, аз қамтылған көпбалалы отбасыларға қайырымдылық көмектер ұсынуда. Бұдан бөлек волонтерлер және ерікті азаматтардың бастамасымен мұқтаж жандарға тегін антисептик, медициналық маска таратылуда. Орал қаласындағы мектеп ұжымдары, қоғамдық бірлестіктері және тігін ательелері күніне 10 мыңға жуық бетперделер тігіп, қайырымдылық ретінде таратылуда. Қаладағы жеңіл өнеркәсіп орындары күніне 20 мыңдай жеке қорғаныс құралын дайындап шығаруға қабілетті, – деді Абат Абайұлы.
Мемлекет басшысы төтенше жағдай кезінде табысынан айырылған азаматтарға айлық төлемақы көлемінде жәрдемақы қарастыруды тапсырған болатын. Осыған орай, қала бойынша әлеуметтік төлемге мұқтаж жандардың тізімі жасақталуда. Яғни, төтенше жағдай кезінде жалақысы сақталмайтын еңбек демалысына жіберілген қызметкерлер мемлекет тарапынан берілетін 42 500 теңгені ала алады. Бұл төлем тек шағын және орта субъекті қызметкерлеріне беріледі. Сондай-ақ төтенше жағдай енгізілгенге дейінгі соңғы 12 ай ішінде мемлекеттік әлеуметтік сақтандыру қорында үш айдан кем емес уақытта аударымдар жасау міндеттеме шарттары сақталуы тиіс. Жалпы төлем тағайдалуы үшін жұмыс берушілер жергілікті органдарға қызметкерлерінің төтенше жағдай кезінде табысынан айырылғанын растайтын құжаттарын электронды үкімет порталы арқылы жолдауы керек.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу