КіруЖАЙМА БАЗАРЛАР ТЕКСЕРІЛДІ
Қазақстан Республикасы Ішкі істер министрлігінің 2019 жылғы 9 қыркүйектегі нұсқауын орындау мақсатында халық арасындағы ішкі істер органының имиджі мен беделін арттыру, азаматтармен сенімді тығыз қарым-қатынас орнату және құқық бұзушылықтың алдын алу мақсатында облыс аумағында 2019 жылғы 15 қыркүйек-10 желтоқсан аралығында ішкі істер органының барлық күштері мен құралдарын, жұртшылықты қатыстыра отырып «Учаске» жедел алдын-алу іс-шарасы өткізілуде.
Аталмыш іс-шара аясында өздеріне тиесілі аймақтарды тексеру, Батыс Қазақстан облысының орталығы – Орал қаласының абаттандырылуына үлес қосу, қаламыздың санитарлық жағдайын көтеру және ықшам аудандар тұрғыдарының өтініш- тілектерін орындау мақсатында кешенді тексерістер жүргізілуде.
Кезекті тексеріс пен рейд 2019 жылғы 22 қазанда ұйымдастырылып, БҚО ПД ЖПҚБ- ның жауапты басшылары мен Орал қ.ПБ ЖПҚб инспекторлары «Жайық» дүкені төңірегіне жиналған жайма базарларды жою мақсатында тексерді. Осы аймаққа қызмет көрсететін №15 және №16 учаскелік полиция пункітінің инспекторлары заттарын жерге төсеп немесе жер үстелдерге қойып сауда көрігін қыздырып отырған саудагерлермен жеке-жеке сөйлесті, түсіндіру жұмыстарын жүргізді. Қазақстан Республикасы Әкімшілік құқық бұзушылық туралы кодекстің 2014 бабына сай белгіленбеген орындарда сауда жасағандары үшін 5 айлық есептік көрсеткіш көлемінде айыппұл салынатынын, көзделген әкімшілік жаза қолданылғаннан кейін бір жыл ішінде қайталанса, 10 айлық есептік көрсеткіш көлемінде айыппұл салуға әкеп соғатынын қатаң ескертті. «Жайық» базары төңірегіндегі көп пәтерлі жәйлі үй тұрғындары мен зейнеткерлер тәртіп сақшыларына сұрақтарын қойып, түн ішінде жастардың шуламауларын тексеруді өтінді.
Қала тазалығы бір күндік немесе бір ай ішінде шешілетін мәселе емес. Көне шаһардың келбетіне нұқсан келтірмей, ретсіз жайылған сауда нүктелерін жоюға көпшілік жанашыр тұлғалар үлес қосуы тиіс. Бұндай рейдтер басқарманың жергілікті полиция қызметі бөлімінің тарапынан алдағы күндері де жалғасын табады.
Гүламан Исмагулова,
Ора қ.ПБ баспасөз қызметкері
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу