КіруЖАЯУ ЖҮРГІНШІЛЕРДІ ҚАҒЫП КЕТКЕН ЖҮРГІЗУШІЛЕР ІЗДЕСТІРІЛУДЕ
Орал қалалық Полиция басқармасының Әкімшілік Полиция бөлімі адамдарды қаққан көлік жүргізушілерін іздестіруде.
21 ақпанда шамамен сағат 21.05-те Южная көшесі бойында «Ағайын холл» атты банкет залына қарсы бетте белгісіз көлік жүргізушісі үлкен жылдамдықпен қозғалып келе жатып, бір жаяу жүргіншіні қағып өтіп, жол көлік оқиғасы орнынан бой тасалап үлгерген. Полицияға шағымданған 1981 жылғы Б.есімді жаяу жүргіншінің арызы басқармада тіркелді. Жаяу жүргінші жеңіл көлік қағуынан алған түрлі ауыр дене жарақаттарымен ауруханаға жатқызылып, шұғыл медициналық көмектер көрсетілді. Бүгінгі күні жол апатына жол беріп, оқиға орнынан жасырыну және жалтару мақсатында кетіп қалған көлік жүргізушісі күндіз-түні іздестірілуде. Қаққан көліктің түсі қызыл болуы мүмкін.
Сонымен қатар, 21 ақпанда шамамен сағат 01.30-да бір көлік жүргізушісі Яблоневая көшесімен қозғалып, 43 үйге қарсы қарсы тұстан жаяу жүргіншілерді қағып өтіп, зулап кетіп қалған. Тәртіп сақшыларының болжамынша «Фольксваген вента» маркалы көлік болса керек, алайда бүгінгі күні мемлекеттік нөмірі белгісіз болуда. Сондай-ақ, 2 жаяу жүргіншіні қағып, оқиға орнынан зу етіп өте шыққан көліктің қызыл түсті екені анықталып отыр. 1995 жылғы Д. және Н. есімді жаяу жүргіншілер соқтыққан түрлі дене жарақаттарымен ауруханаға жатқызылды.
Осы 2 жол көлік оқиғасына қатысты мәліметтерді біліп немесе көліктерді көріп, байқап жүрген, танитын тұрғындар мен азаматтар болса, Орал қаласының полиция басқармасына, әкімшілік полиция бөліміне, 102 нөміріне хабарласуларын сұраймыз. Жол апаты айтып келмейтін, ыңғайсыздық туғызып, адамзаттың денсаулығына залал келтіретін қасіретті көрініс. Сол үшін жол үстінде абай болайық. Мүмкін сіздердің, біздің көмегіміз, жәрдеміміз арқылы бірнеше адамның өміріне араша болып, көрер жарығын сыйлармыз.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу